Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda koronavırýspen aýyrǵandar sany 6 myńnan asty

2022 jyldyń 25 qańtar 2022 01:42

ATYRAÝ. QazAqparat – «Qyzyl» aımaqtaǵy Atyraý oblysynda koronavırýs ınfektsııasymen aýyryp jatqandar sany 6 myńnan asty, dep habarlaıdy QazAqparat.

Atyraý oblysynda ótken táýlikte – 23 qańtarda taǵy da 486 adam qaýipti vırýsqa shaldyqty. Máselen, Atyraý qalasynda Covid-19 ınfektsııasyn juqtyrýdyń 332 jaǵdaıy rastalǵan. Al, Teńiz ken ornynda 26 naýqas anyqtalǵan. Qaýipti vırýsty Jylyoı aýdanynda 40, Qyzylqoǵada – 25, Qurmanǵazyda – 25, Inderde – 16, Mahambette – 15, Maqatta 9, Isataı aýdanynda 8 adam juqtyryp alǵan.

«Qazir 5 381 adam úı jaǵdaıynda, 632 naýqas ınfektsııalyq statsıonarlarda emdelip jatyr. Onyń ishinde Teńiz ken ornyndaǵy ınfektsııalyq statsıonarda – 285, modýldik aýrýhanada – 170, aýdandarda ashylǵan ınfektsııalyq statsıonarlarda – 77, al, №2 oblystyq aýrýhanada – 56, ftızıopýlmanologııalyq ortalyqta 44 patsıent oqshaýlanǵan», -dep málim etti oblystyq densaýlyq saqtaý basqarmasynyń baspasóz qyzmetinen.

Eske sala ketelik, buǵan deıin Teńiz ken ornynda 500 adam koronavırýstan emdelip jatqanyn habarlaǵan bolatynbyz.


Avtor Bek Mustafa
Basty sózder: Koronavırýs, Atyraý oblysy,
Joǵary qaraı