Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda koronavırýs juqtyrǵandar sany kúrt tómendedi

2021 jyldyń 27 qazan 2021 02:23

ATYRAÝ. QazAqparat – «Jasyl» aımaqtaǵy Atyraý oblysynda koronavırýs ınfektsııasyn juqtyrǵandar sany kúrt tómendedi, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, 25 qazanda qaýipti vırýs belgisi 10 adamnan anyqtalǵan. Onyń ishinde Atyraý qalasynda – 2, Teńiz ken ornynda – 5, Qurmanǵazy, Maqat jáne Mahambet aýdandarynda bir-birden naýqas bar.

«Qazir úı jaǵdaıynda 219, ınfektsııalyq statsıonarlarda 203 naýqas oqshaýlanǵan. Onyń ishinde modýldi aýrýhanada – 99, Teńiz ken ornyndaǵy statsıonarda – 65, aýdandardaǵy ınfektsııalyq statsıonarlarda 33, №2 oblystyq aýrýhanada 6 patsıent emdelip jatyr» -dep habarlady basqarmanyń baspasóz qyzmeti.

Eske sala ketelik, budan buryn Atyraý oblysynda syrqattar emdelip jatqan 730 tósek-oryn bosaǵanyn habarlaǵan edik.



Avtor Bek Mustafa
Basty sózder: Koronavırýs, Atyraý oblysy,
Joǵary qaraı