Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda koronavırýs juqtyrǵan balalar men júkti áıelder kóbeıdi

2021 jyldyń 20 qazan 2021 18:21

ATYRAÝ. QazAqparat – Atyraý oblysynda koronavırýs juqtyrǵan balalar men júkti áıelder kóbeıdi, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte qaýipti vırýsqa shaldyqqan 41 adam anyqtalǵan.

Onyń ishinde 25 naýqas Atyraý qalasynda tirkelgen.

Al, Teńiz ken ornynda – 9, Jylyoı aýdanynda – 3, Isataıda – 1, Qurmanǵazyda – 2, Maqat aýdanynda 1 adamnan koronavırýstyń belgisi tabylǵan.

«Óńirde 312 adam úı jaǵdaıynda em-dom sharasyn alyp jatyr. Modýldik aýrýhanada – 91, Teńiz kenishindegi statsıonardarda – 71, aýdandardaǵy ınfektsııalyq statsıonarlarda – 36, al, №2 oblystyq aýrýhanada 14 patsıent oqshaýlanǵan. Sondaı-aq, 25 júkti áıeldiń koronavırýs ınfektsııasyn juqtyrǵany rastaldy. Qazir onyń 11-i ınfektsııalyq statsıonarlarda, 14-i ambýlatorııalyq em qabyldap jatyr. Buǵan qosa, 104 balaǵa qaýipti vırýs dıagnozy qoıyldy. Úsh bala statsıonarlarda, 101 bala úıinde emdelýde» -dep habarlady basqarmanyń baspasóz qyzmeti.

Eske sala ketelik, budan buryn Atyraýda 97 bala koronavırýspen aýyryp jatqanyn habarlaǵan bolatynbyz.


Joǵary qaraı