Aýa raıy
Astana 17 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Atyraý oblysynda kólge túsken 51 jastaǵy azamat sýǵa ketti

2020 jyldyń 7 shilde 2020 03:12

ATYRAÝ. QazAqparat – Atyraý oblysynyń Jylyoı aýdanynda kólge túsken 51 jastaǵy azamat sýǵa ketti, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, oqys oqıǵa búgin, 6 shilde saǵat 10:22-de Jylyoı aýdanynyń ortalyǵy – Qulsary qalasynan 10 shaqyrym qashyqtaǵy Qamyskól kólinde bolǵan.

«1969 jylǵy azamat Qamyskól kóliniń arnaıy jabdyqtalmaǵan jerinde shomylyp júrip, sýdan shyqpaı qalǵan. Ony izdeýge jedel-qutqarý jasaǵynyń 3 qyzmetkeri men 1 tehnıka jumyldyryldy. Sýǵa ketken adamnyń denesi bir saǵattyń ishinde tabylyp, jaǵaǵa shyǵaryldy» dep habarlady departamenttiń baspasóz qyzmeti.

Departament mamandary turǵyndardy sý qoımalarynyń arnaıy jabdyqtalmaǵan jerinde sýǵa túsýden saqtandyryp otyr.

Eske sala ketelik, buǵan deıin Atyraýda Saǵyz ózeninde eki adam sýǵa ketkenin jazǵan edik.


Joǵary qaraı