Atyraý oblysynda kásipker tegin medqyzmetterge bólingen qarajatty jymqyrǵan

NUR-SULTAN. QazAqparat - QR Qarjy mınıstrliginiń Qarjy monıtorıngi komıtetiniń Atyraý oblysy boıynsha Ekonomıkalyq tergeý departamentiniń qyzmetkerleri Atyraý qalasynda eki kásiporynnyń dırektoryna qatysty QR QK 189-baby 4-bólimi 2-tarmaǵy boıynsha qylmystyq isti tergeýdi aıaqtady.

Komıtettiń baspasóz qyzmeti taratqan aqparatqa qaraǵanda, kompanııalardyń basshysy qyzmet babyn paıdalana otyryp, «Densaýlyq» - «Tegin medıtsınalyq qyzmet kórsetý» memlekettik baǵdarlamasy aıasynda «Atyraý oblysy boıynsha áleýmettik medıtsınalyq saqtandyrý qory» KEAQ-na bıýdjetten bólingen 16,8 mln. teńgeden astam qarajatyn jymqyrǵan.

Keltirilen zalal Atyraý oblysynyń Sot saraptamasy ınstıtýtynyń qorytyndysymen rastaldy. Keltirilgen zalaldyń sommasy ótelmegendikten, kúdikti tulǵanyń múlkine toqtam salyndy.

«2020 jyldyń 4 jeltoqsanynda Atyraý qalasy â„–2 sotynyń úkimimen atalǵan azamatsha kináli dep tanylyp, oǵan qatysty 7 jyl 6 aı merzimge bas bostandyǵynan aıyrý, medıtsınalyq mekemeler men densaýlyq saqtaý uıymdarynda basshylyq laýazymdardy atqarý quqyǵynan 5 jyl merzimge aıyrý jazasy taǵaıyndaldy»,-delingen habarlamada.