Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda ınfektsııalyq statsıonarlarda 1 549 naýqas jatyr

2021 jyldyń 1 tamyz 2021 14:43

ATYRAÝ. QazAqparat – Atyraý oblysynda ınfektsııalyq statsıonarlarda 1 549 naýqas jatyr. Sońǵy 10 kúnde naýqastar sany 24%-ǵa ósken, dep habarlaıdy QazAqparat.

Oblystyq densaýlyq saqtaý basqarmasynyń basshysy Ashan Baıdýálıevtyń málimetine súıensek, óńirdegi ınfektsııalyq statsıonarlardaǵy júkteme 51,4%-dy qurap otyr.

«Byltyrǵy naýryzdan beri 35 377 adam koronavırýs ınfektsııasyn juqtyrdy. Qazir ınfektsııalyq statsıonarlarda 1 549 naýqas emdelip jatyr. Onyń ishinde 102 júkti áıel, jas bosanǵan 4 ana, 18 jasqa deıingi 13 bala bar. Atyraý qalasyndaǵy statsıonarlarda júkteme 72% (847 naýqas), aýdandardaǵy statsıonarlarda – 81% (392) Teńiz ken ornyndaǵy statsıonarda 23%-dy (310) qurady. Sońǵy 10 kúnde ınfektsııalyq statsıonarlarda jatqan naýqastar sany 24%-ǵa ósti» -deıdi Ashan Baıdýálıev.

Eske sala ketelik, buǵan deıin Atyraý qalasynda karantın shekteýi kúsheıtiletinin, keıin oblys ákimi turǵyndarǵa úndeý jasaǵanyn habarlaǵan bolatynbyz.


Avtor Bek Mustafa
Basty sózder: Atyraý oblysy, Koronavırýs,
Joǵary qaraı