Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda «Eńbek» baǵdarlamasymen 24 348 adam qamtyldy

2021 jyldyń 13 qazan 2021 23:58

ATYRAÝ. QazAqparat – Atyraý oblysynda «Eńbek» baǵdarlamasymen 24 348 adam qamtyldy, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń

basshysy Azamat Mámbetovtiń málimetinshe, bıyl «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń baǵyttaryna 24 032 adamdy qamtý kózdelgen.

«Qazir atalǵan baǵdarlamamen 24 348 adam qamtylyp otyr. Baǵdarlamanyń birinshi baǵytymen 250 adamdy kásiptik-tehnıkalyq daıarlaý, al, 1 510 jumyssyzdy qysqa merzimdi kýrstarda oqytý josparlandy. Sáýir aıynda bastalǵan qysqa merzimdi oqytý kýrsynan 1 378 adam jiberildi. Oqytý kýrsyn 911 adam aıaqtady. Ekinshi ekinshi baǵyt boıynsha «Bastaý-Bıznes» jobasymen 1 myń adamdy oqytý, 154 adamǵa nesıe jáne 530 adamǵa memlekettik grant berý josparlandy. Osy kezge deıin onlaın rejıminde 1 015 adam «Bastaý-Bıznes» jobasymen kásipkerlik negizderine oqytylyp, 223 adam nesıe men 531 adam qaıtarymsyz granttar aldy», -deıdi Azamat Mámbetov.

Onyń deregine súıensek, baǵdarlamanyń úshinshi baǵytymen 20 581 adamdy qamtý josparlanǵan. Onyń ishinde 332 adamdy – áleýmettik jumystarǵa, 798 jasty – jastar praktıkasyna, 5 313 adamdy – qoǵamdyq jumystarǵa, 46 adamdy – alǵashqy jumys oryndaryna jáne 14 092 adamdy vakanttyq jumys oryndaryna ornalastyrý bar.

«Jyl basynan beri jumyspen qamtý ortalyqtaryna 22 576 adam júgindi. Qazirge deıin 20 864 adam jumyspen qamtyldy. Onyń ishinde turaqty jumys oryndaryna 13 733 adam, ýaqytsha jumystarǵa 7 131 adam jiberildi» -dep málim etti Azamat Mámbetov.

Sondaı-aq, jumyspen qamtýdyń jol kartasymen 7 jobanyń qurylys jumysyna 221 adam tartylǵan. Bir jobanyń qurylysy aıaqtalǵan.


Avtor Bek Mustafa
Basty sózder: Atyraý oblysy, Jumyspen qamtý, Qoǵam,
Joǵary qaraı