Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda dári-dármektiń 2 aılyq qory jasaldy

2021 jyldyń 17 qyrkúıek 2021 13:52

NUR-SULTAN. QazAqparat – Atyraý oblysynda dári-dármek pen jeke qorǵanysh quraldarynyń eki aılyq qory satyp alyndy. Bul týraly Atyraý oblysy ákiminiń orynbasary Baqytgúl Hamenova málim etti, dep habarlaıdy QazAqparat tilshisi.

«Іndettiń birinshi tolqynynda dári-dármek tapshylyǵy beleń alǵany ras, degenmen ol olqylyq búginde joıyldy. Oblysta dári-dármektiń turaqty qoryn qurý jáne dárihanalardaǵy baǵa turaqtylyǵyn saqtaý maqsatynda «Atyraý» áleýmettik-kásipkerlik korporatsııasy men «Іńkár» jaýapkershiligi shekteýli seriktestigine 500 mln teńge bólinip, 42 ataýly dári-dármek satyp alyndy. Odan bólek, demeýshilik kómekpen 3 mlrd-tan astam teńgege jeke qorǵanysh quraldary men medıtsınalyq tehnıka satyp alyndy», - dedi B. Hamenova OKQ-de ótken baspasóz máslıhatynda.

Ákim orynbasarynyń sózinshe, búginde óńirde 14 PTR synaq zerthanasy jumys istep tur. Onda táýligine 16 myńnan astam synaq júrgizý múmkindigi bar.

«Oblysta jeke qorǵanysh quraldary men dári-dármektiń 2 aılyq qory jasaqtaldy. Sondaı-aq, jedel medıtsınalyq kómek qyzmetin jetildire túsý maqsatynda jańa kólikter alynyp, 5 jyljymaly medıtsınalyq keshen iske qosyldy. Jáne de naýqastarǵa joǵary sapaly medıtsınalyq kómek uıymdastyrý maqsatynda Atyraý jáne Qulsary qalalarynda 200 oryndyq ınfektsııalyq aýrýhana paıdalanýǵa berildi», - deıdi ol.

Buǵan deıin habarlaǵanymyzdaı, Atyraý halqynyń 86 paıyzy vaktsınanyń birinshi komponentin aldy.


Joǵary qaraı