Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda byltyr aýyr salmaqty kólik ıeleri 52 mln teńge aıyppul tóledi

2022 jyldyń 27 qańtar 2022 23:14

ATYRAÝ. QazAqparat – Atyraý oblysynda byltyr aýyr salmaqty kólik ıeleri 52 mln teńge aıyppul tóledi, dep habarlaıdy QazAqparat.

«QazAvtoJol» AQ Atyraý oblystyq fılıaly dırektorynyń orynbasary Aslan Dúısenovtiń málimetine súıensek, «Jolda qabyldaý» reıdtik is-sharasy ótip jatyr.

«Maqsat – jol qaýipsizdigi men qolaısyz aýa-raıynda jol-kólik apatynyń aldyn alý. Reıd kezinde respýblıkalyq mańyzy bar avtokólik joldary qamtyldy. Jol boıynda avtotarazy arqyly aýyr salmaqty avtokólikterge tıelgen júktiń salmaǵy ólshendi. Byltyr osyndaı is-shara kezinde kólik ıeleriniń tarapynan 2 354 ákimshilik quqyq buzýshylyq anyqtaldy. Onyń ishinde aýyr salmaqty 357 avtokólik ıeleri jol erejesin buzdy. Jolda júrý talaptaryn oryndamaǵan aýyr salmaqty avtokólikterdiń ıeleri oblystyq bıýdjetke 52 mln teńge kóleminde aıyppul tóledi», -deıdi Aslan Dúısenov.

Eske sala ketelik, budan buryn Atyraýda 1,5 saǵatta úsh jol-kólik apatynan bir adam mert bolyp, ekeýi aýrýhanaǵa túskenin jazǵan edik.


Joǵary qaraı