Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda áýesqoı balyqshylar jylanǵa uqsas balyq ustady

2021 jyldyń 3 jeltoqsan 2021 14:17

ATYRAÝ. QazAqparat – Atyraý oblysynda áýesqoı balyqshylar jylanǵa uqsas balyqty ustady, dep habarlaıdy QazAqparat.

Balyqshylar Qurmanǵazy aýdanyndaǵy Sharon ózeninen eski etikti taýyp alǵan. Etikten jylanǵa uqsas balyq shyqqan.

«Buryn mundaı balyqty kezdestirgen joq edik. Denesinde ózge balyqtarǵa tán qabyrshaq joq. Biraq, shyryshty bolady eken. Bir qaraǵanda, jylanǵa uqsaıtyn tárizdi. Sol sebepten, bastapqyda muny jylan dep oıladyq. Biraq, keıinnen joıylyp bara jatqan balyqtyń túri ekenin bildik. Mundaı balyq «Qyzyl kitapqa» engizilgen. Ǵalamtordaǵy aqparatqa qaraǵanda, balyqtyń bul túri Reseı men Fınlıandııanyń, Latvııa men Shvetsııanyń, Estonııanyń sý aıdyndarynda kezdesedi» - deıdi tájirıbeli balyqshy Dmıtrıı Sokolınskıı.

Onyń aıtýynsha, jylanǵa uqsaıtyn balyqtyń uzyndyǵy 10-100 sm aralyǵynda bolýy múmkin. Adamǵa eshqandaı qaýip tóndirmeıdi.

Eske sala ketelik, buǵan deıin Atyraýda ıesiz júrgen jylqy dámhana áınegin syndyrýǵa shaq qalǵanyn jazǵan bolatynbyz.


Avtor Bek Mustafa
Basty sózder: Ekologııa, Atyraý oblysy,
Joǵary qaraı