Aýa raıy
Astana -7 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 70 otbasylyq shara jasyryn ótken

2020 jyldyń 25 qazan 2020 07:44

ATYRAÝ. QazAqparat –Atyraý oblysynda shekteý sharalary men sanıtarlyq talaptardyń saqtalýyn baqylaıtyn 114 monıtorıngilik top úsh kúnde 2273 nysandy tekserdi, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, karantındik shekteýlerge qaramastan, Atyraýda toı,​ sadaqa ótkizý tyıylmaı tur.

«22 qazanda Atyraý qalasynda jasyryn toı jasaǵan eki derek anyqtaldy. Inder aýdanynda osyndaı eki jaǵdaı tirkelip otyr. Jalpy, 20-22 qazan aralyǵynda júrgizilgen reıd kezinde 2273 nysan tekserildi.

Al, 11 shildeden búginge deıin oblysta 70 otbasylyq shara jasyryn ótken. Atyraý oblysynda sanıtarlyq talaptardyń saqtalýyn baqylaıtyn monıtorıngilik top taratqan aqparatqa sáıkes, toı-sadaqa ótkizýden alǵashqy úshtikti Atyraý qalasy, Jylyoı men Qyzylqoǵa aýdany bastap tur» dep habarlady óńirlik kommýnıkatsııalar qyzmetinen.

Reıd kezinde shekteý sharalaryn saqtamaı jumys istegen 75​ kafe, meıramhana syndy qoǵamdyq tamaqtaný oryndary anyqtalǵan. Onyń ishinde 67-si Atyraý qalasynda, al 5 derek Jylyoı aýdanynda tirkelgen. Sondaı-aq, 102 azyq-túlik dúkeni bekitilgen ýaqyttan tys jumys istegen.

Eske sala ketelik, buǵan deıin karantın talaptaryn saqtamaǵan 324 atyraýlyqqa aıyppul salynǵanyn habarlaǵan bolatynbyz.


Joǵary qaraı