Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 672 adam qaıta vaktsınalaýdan ótti

2021 jyldyń 6 jeltoqsan 2021 23:05

ATYRAÝ. QazAqparat – Atyraý oblysynda 672 adam qaıta vaktsınalaýdan ótti, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, Atyraýda 23 qarashada turǵyndardy qaıta vaktsınalaý bastaldy.

Osyǵan baılanysty alǵashqylardyń qatarynda Atyraý oblysy ákiminiń orynbasary Baqytgúl Hamenova revaktsınatsııadan ótken bolatyn.

«Qazir Atyraý oblysynda qaıta vaktsınalaý tizimine engizilgen adamdardyń jalpy sany 2 286 adamdy qurap otyr. Bul bıylǵy 1-28 aqpan aralyǵynda «Spýtnık – V» vaktsınasyn alǵan adamdar. Revaktsınalaýdy 8 sanattaǵy adamdar alady. Onyń ishinde pedagogter men medıtsına salasynyń, quqyq qorǵaý organdary men arnaıy maqsattaǵy mekemelerdiń qyzmetkerleri, polıtseıler men stýdentter, memlekettik qyzmetshiler bar. Sondaı-aq, bul sanatqa sozylmaly syrqatymen esepte turǵan patsıentter kiredi. Óńirde 23 qarashadan beri 672 adam qaıta vaktsınalaýdan ótti», -dep habarlady basqarmanyń baspasóz qyzmeti.

Eske sala ketelik, buǵan deıin Atyraý oblysynda Rfizer vaktsınasyn 776 adam saldyrǵanyn habarlaǵan bolatynbyz.


Joǵary qaraı