Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 36 saılaý ýchaskesinde daýys berilip jatyr

2021 jyldyń 25 shilde 2021 12:26

ATYRAÝ. QazAqparat – Atyraý oblysynda 18 aýyldyń ákimi saılanady. Qazir 36 saılaý ýchaskesinde daýys berý júrip jatyr, dep habarlaıdy QazAqparat.

Oblystyq aýmaqtyq saılaý komıssııasynyń tóraǵasy Azamat Aımanakýmovtyń málimetine súıensek, 18 okrýg boıynsha 52 úmitker saılaý bıýlletenine engizilgen.

«Ákim saılaýyna saıası partııalardan (NurOtan – 15, «Aýyl» HDPP – 5, «ADAL» saıası partııasy – 2, QHP – 2) 24 úmitker usynyldy. Ózin-ózi usynǵan úmitkerler – 28. Úsh okrýgte 2 (Atyraý qalasynan Qaıyrshahty, Qurmanǵazy aýdanynan Safon, Teńiz aaýyldyq okrýgteri), 1 okrýgte (Mahambet aýdanynyń Saraıshyq aýyldyq okrýgi) 4, al, 14 okrýgte 3 úmitker tirkeldi. Saılaý bıýlletenderi jalpy saılaýshylar sanynyń bir paıyzy artyǵymen daıyndalyp, saılaý okrýgterine, ýchaskelerge jetkizildi» -deıdi Azamat Aımanakýmov.

Onyń aıtýynsha, saılaý bastalǵanǵa deıin saılaý bıýlletenderi jetkizilgen ǵımarat mórlenip, ishki ister organdarynyń kúzetine berilgen. Barlyq 36 saılaý ýchaskesindegi daýys berý pýnkteri Ortalyq saılaý komıssııasynyń qaýlysymen bekitilgen tıisti erejege sáıkes jaraqtandyrylǵan.

«Atyraý oblysynda saılaýshylar tiziminde 44 305 saılaýshy engizilgen. Saılaý 41 eldi mekendegi 36 saılaý ýchaskesinde ótip jatyr. Saılaý ýchaskeleri qurylmaǵan 12 eldi mekende daýys berýdi uıymdastyrý máselesi sheshildi. Eń shalǵaıdaǵy saılaý ýchaskeleri Qurmanǵazy aýdanynyń aýdan ortalyǵynan 180 shaqyrym qashyqta Asan aýyldyq okrýginde ornalasqan» -deıdi Azamat Aımanakýmov.

Eske sala ketelik, buǵan deıin Atyraý oblysynda ákim saılaýynda 52 úmitker baq synaıtynyn habarlaǵan bolatynbyz.


Joǵary qaraı