Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraý oblysynda 23 myńǵa jýyq jumys orny ashylady

2022 jyldyń 23 qańtar 2022 07:44

ATYRAÝ. QazAqparat – Bıyl Atyraý oblysynda 23 myńǵa jýyq jumys orny ashylady, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń málimetinshe, bıyl «2021-2025 jyldarǵa arnalǵan Kásipkerlikti damytý jónindegi» Ulttyq joba sheńberinde áleýmettik qoldaý sharalaryn jalǵastyrý kózdelip otyr.

«Bıyl Atyraý oblysynda atalǵan joba aıasynda 22 981 adamdy jumyspen qamtý sharalarymen qamtý josparlandy. Onyń ishinde bos jumys oryndaryna 14 374, áleýmettik jumysqa 338, jastar tájirıbesine 825, qoǵamdyq jumystarǵa 3 868, alǵashqy jumys oryndaryna 91 adam ornalastyrylady. Al, qysqa merzimdi kásiptik kýrsqa 1 840, «Bastaý-Bıznes» jobasymen kásipkerlik negizderine 1000 adamdy oqytý josparlandy. Sondaı-aq, óz isin ashý úshin 645 adamǵa granttar beriled», -deıdi Azamat Mámbetov.

Eske sala ketelik, budan buryn «Eńbek» baǵdarlamasymen Atyraý oblysynda 24 509 adam jumysqa ornalasqanyn habarlaǵan bolatynbyz.


Avtor Bek Mustafa
Basty sózder: Jumyspen qamtý, Atyraý oblysy,
Joǵary qaraı