Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysynda 10 mektep salynyp jatyr

2021 jyldyń 18 maýsym 2021 13:39

NUR-SULTAN. QazAqparat – Atyraý oblysynda 10 mektep salynynyp jatyr. Bul týraly Atyraý oblysynyń ákimi Mahambet Dosmuhambetov aıtty, dep habarlaıdy QazAqparat tilshisi.

«Áleýmettik nysandardyń da qurylysy qarqyndy júrgizilýde. Atap aıtqanda, bilim berý salasynda bıyl 11 balabaqshanyń, 2022 jyly taǵy da 3-ýiniń qurylysyn aıaqtaý josparlanýda. 5 224 oryndyq 10 mektep salynyp jatyr. Bıyl sondaı-aq 1 410 oryndyq taǵy 3 mekteptiń qurylysyn bastaýdy josparlap otyrmyz», - dedi oblys basshysy Ortalyq kommýnıkatsııalar qyzmetinde brıfıng barysynda.

Ákimniń dereginshe, medıtsınalyq kolledjdiń 200 oryndyq jataqhanasy salynyp jatyr. Bıyl 25 oryndyq jastar úıi paıdalanýǵa berildi. Atyraý qalasynda januıalyq úlgidegi balalar aýylynyń qurylysy aıaqtalýǵa jaqyn.

«Densaýlyq saqtaý salasynda 7 nysan salynýda. Budan basqa 2 densaýlyq saqtaý nysany qurylysyn bastamaqpyz. Úsh aýdanda 4 aýyldyq mádenıet úıiniń qurylys jumystary júrip jatyr. Salynyp jatqan 6 sport nysanynyń 5-ýi bıyl tapsyrylady. Al, Qulsary qalasyndaǵy ortalyq stadıondy 2022 jyly ashý josparlanǵan», - dedi Mahambet Dosmuhambetov.


Avtor Marlan Jıembaı
Basty sózder: Aımaq, Qurylys, Atyraý oblysy, Bilim,
Joǵary qaraı