Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysyna shetelden 254 qandas kóship keldi

2021 jyldyń 12 qazan 2021 21:08

ATYRAÝ. QazAqparat – Atyraý oblysyna jyl basynan beri shetelden 254 qandas kóship keldi, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasy baspasóz qyzmetiniń málimetinshe, atamekenge oralǵan soń Atyraý oblysyna qonystanýǵa nıet bildirgen 179 otbasynyń quramynda 254 etnıkalyq qazaq bar.

«Onyń ishinde Ózbekstan Respýblıkasynan – 232, Qytaı Halyq Respýblıkasynan – 19, Reseı Federatsııasynan 3 adam kóship keldi. Qandastar Atyraý qalasyna, Isataı, Jylyoı, Maqat aýdandaryna qonystandy. Elge oralǵan qandastardyń arasynda jumys isteýge qabiletti jastaǵy 180 adam bar. Mektepke deıingi balalar sany – 35. Al, 33-i – mektep jasyndaǵy balalar. Sondaı-aq, 6 adam zeınetkerlik demalysqa shyqqan» - dep habarlady basqarmanyń baspasóz qyzmeti.

Qazaqstan Respýblıkasynyń azamattyǵyn jeńildetilgen tártippen qabyldaý úshin 37 adamǵa buryn berilgen oralman mártebesin alty aıdan aspaıtyn merzimge bir ret uzartý týraly sheshim qabyldanǵan.

Eske sala ketelik, buǵan deıin Atyraýǵa jyl basynan beri 182 qandasymyz kóship kelgenin habarlaǵan bolatynbyz.


Avtor Bek Mustafa
Basty sózder: Qandastar, Atyraý oblysy, Qoǵam,
Joǵary qaraı