Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysyna kelesi jylǵa 25 myń tonna bıdaı kerek

2021 jyldyń 26 qazan 2021 08:44

ATYRAÝ. QazAqparat – Atyraý oblysyna kelesi jylǵa 25 myń tonna bıdaı alý úshin suranys berildi, dep habarlaıdy QazAqparat.

Bul týraly Atyraý oblysynyń ákimi Mahambet Dosmuhambetovtiń tóraǵalyǵymen ótken áleýmettik mańyzy bar azyq-túlik ónimderiniń baǵasyn turaqtandyrýǵa qatysty jıynǵa belgili boldy.

Oblystyq aýyl sharýashylyǵy basqarmasynyń basshysy Amangeldi Salamattyń aıtýynsha, 19 túrli áleýmettik mańyzy bar azyq-túlik taýarynyń baǵasyn negizsiz ósirýge jol bermeý maqsatynda apta saıyn monıtorıng júrgizilip otyr.




«Deldaldyq saýdaǵa jol bermeý úshin jergilikti aýylsharýashylyǵy taýaryn óndirýshilerge 128 tegin saýda núktesi berildi. Qazir «aınalym shemasy» arqyly jumystar júrgizilýde. Bul ádis boıynsha 800 tonna kartop, 600 tonna sábiz, 400 tonna pııaz, 250 tonna qyryqqabat jınaldy», - deıdi Amangeldi Salamat.

Onyń deregine súıensek, Aýyl sharýashylyǵy mınıstrligi arqyly «Azyq-túlik kelisimshart korporatsııasy» UK AQ-dan 2022 jylǵa 25 myń tonna bıdaı alýǵa suranys berilgen.

Eske sala ketelik, budan buryn Atyraý oblysynda «Eńbek» baǵdarlamasymen 24 348 adam qamtylǵanyn jazǵan edik.








Joǵary qaraı