Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysy tótenshe jaǵdaılar departamentine jańa basshy keldi

2021 jyldyń 23 shilde 2021 01:01

ATYRAÝ. QazAqparat - Atyraý oblysy tótenshe jaǵdaılar departamentine azamattyq qorǵaý polkovnıgi Sábıt Kenjehanuly Bıtaev basshy bolyp taǵaıyndaldy, dep habarlaıdy QazAqparat.

Qazaqstan Respýblıkasynyń Tótenshe jaǵdaılar vıtse-mınıstri Marat Kúldikov jańa bastyqty jeke quramǵa tanystyrdy.

Buǵan deıin Sábıt Kenjehanuly Nur-Sultan qalasynyń tótenshe jaǵdaılar departamenti bastyǵynyń orynbasary qyzmetin atqarǵan.

Sábıt Bıtaev 1976 jyly 14 qazanda týǵan.

1998 jyly Qazaqstan Respýblıkasy Іshki ister mınıstrliginiń Almaty joǵary tehnıkalyq ýchılıesin órt qaýipsizdigi tehnıgi mamandyǵy boıynsha, al 2001 jyly Tótenshe jaǵdaılar mınıstrliginiń Kókshetaý tehnıkalyq ınstıtýtyn órt qaýipsizdigi ınjeneri mamandyǵy boıynsha bitirgen.

Eńbek jolyn 1998 jyly ınstıtýtty bitirgennen keıin Almaty oblysy Memlekettik órtke qarsy qyzmet jedel bóliminiń ınjeneri bolyp bastady.

2008 jyldan búgingi kúnge deıingi aralyqta azamattyq qorǵaý organdarynda ártúrli basshylyq laýazymdarda qyzmet atqardy.

Vıtse-mınıstr TJD bastyǵynyń aldyna aldaǵy kezeńge, atap aıtqanda tabıǵı jáne tehnogendik sıpattaǵy túrli TJ-nyń aldyn alý jáne sanyn azaıtý boıynsha naqty mindetter qoıdy.


Joǵary qaraı