Aýa raıy
Astana 17 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Atyraý oblysy koronavırýs juqtyrýdan kósh bastap tur

2020 jyldyń 10 shilde 2020 23:38

ATYRAÝ. QazAqparat –QR Premer-Mınıstrdiń orynbasary Eraly Toǵjanov Atyraý oblysyndaǵy epıdemıologııalyq ahýaldy turaqtandyrýǵa baılanysty qolǵa alynatyn máseleler týraly aıtyp berdi, dep habarlaıdy QazAqparat.

Eraly Toǵjanovtyń málim etýinshe, Atyraý oblysynda koronavırýs ınfektsııasyn juqtyrý deregi respýblıkadaǵy eń joǵary kórsetkish bolyp otyr.

«Sońǵy táýlikte Atyraý oblysynda koronavırýs ınfektsııasyn juqtyrýdyń 336 jaǵdaıy tirkelip, naýqastardyń jalpy sany 7150 adamǵa jetti. Іndettiń negizgi oshaqtary – Atyraý qalasy men Jylyoı aýdany. Osy eki jerde qaýipti indetke shaldyqqandar barlyq naýqastyń 85 paıyzyn qurap otyr. Al, pnevmonııanyń 2174 jaǵdaıy tirkelgen. Sońǵy eki aıda jedel meıtsınalyq járdemdi shaqyrý 2 esege ósken. Munyń bári shuǵyl sharalar qabyldaýdy qajet etedi» -dedi Eraly Toǵjanov onlaın brıfıngte.

Onyń aıtýynsha, Atyraýdaǵy epıdemıologııalyq ahýaldy turaqtandyrýǵa baılanysty qolǵa alynatyn máseleler jan-jaqty talqylanǵan.

«Birinshiden, Atyraýdan Almatyǵa, Aqtóbe men Mańǵystaýǵa temir jol qatynasy toqtatylady. Ekinshiden, meıramhanalar men dámhanalar, ashanalar men qoǵamdyq tamaqtaný oryndary, azyq-túlik emes dúkender úıge jetkizý rejımimen jumys isteıdi. Úshinshiden, polıtsııa departamenti jáne oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti otbasylyq sharalardy ótkizýge salynǵan tyıymnyń saqtalýyn qadaǵalap, ony buzǵandardy anyqtaýdy qamtamasyz etýi tıis. Tórtinshiden, Energetıka mınıstrligi jergilikti atqarýshy organdarmen vahtalyq jumysqa keletinderdi úsh kún buryn turǵylyqty mekenjaıynda PTR-testten ótkizýi kerek. Bul tapsyrmanyń oryndalýyna jumys berýshiler jaýapty bolady.

Besinshiden, Atyraý oblysynyń ákimdigi dári-dármekpen qamtý máselesin sheshýi qajet. Óńirdegi, sonyń ishinde Jylyoı aýdanyndaǵy karantındik shekteý sharalarynyń saqtalýyn baqylaýǵa alýy kerek. Mobıldi toptardyń sany 120-ǵa jetkizý, korotaksı qyzmetin uıymdastyryp, jeke klınıkalardy naýqastardy emdeý isine tartýy qajet» -dedi Eraly Toǵjanov.

Sondaı-aq, Densaýlyq saqtaý mınıstrligine arnaıy tapsyrmalar júktelgen. Onyń ishinde Atyraý oblysyn medıtsınalyq kadrlarmen qamtamasyz etý de bar.


Joǵary qaraı

Warning: file_put_contents(): Only 0 of 15740 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920

Warning: file_put_contents(): Only 0 of 5633 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920