Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý oblysy ákiminiń orynbasary bıýdjet qarajatyn ysyrap etti degen kúdikke ilindi

2021 jyldyń 18 qazan 2021 22:40

ATYRAÝ. QazAqparat – Atyraý oblysy ákiminiń orynbasary bıýdjet qarajatyn ysyrap etti degen kúdikke ilingen, dep habarlaıdy QazAqparat.

Oblys ákimi baspasóz qyzmetiniń taratqan aqparatyna qaraǵanda, Atyraý oblysy ákiminiń orynbasary Qaırat Nurlybaev prokýrordyń 2021 jylǵy 13 shildedegi qaýlysymen qylmystyq is boıynsha kúdikti dep tanylǵan.

«Oblys ákiminiń orynbasary 83,7 mln teńge kólemindegi ınvestıtsııalyq sýbsıdııany «Buıyrǵyn» aýylsharýashylyq óndiristik kooperatıvine zańsyz tóleý faktisi boıynsha bıýdjet qarajatyn ysyrap etti degen kúdikke ilinip otyr. Qaırat Nurlybaev oblystyq aýyl sharýashylyǵy basqarmasyn basqaryp turǵan kezde (atalǵan laýazymǵa ol 2019 jylǵy 5 maýsymda taǵaıyndalǵan), ıaǵnı 2019 jyldyń 26 maýsymy men 4 jeltoqsany aralyǵynda ınvestıtsııalyq sýbsıdııa kelisimshartyn jasaǵan jáne ınvestıtsııalyq sýbsıdııany tólegen. Búgingi kúnge deıin «Buıyrǵyn» kooperatıvi 83,7 mln teńge kólemindegi boryshty tolyqtaı ornyna keltirdi» dep aqparat taratty ákimdiktiń baspasóz qyzmeti.

Qaırat Nurlybaev oblys ákiminiń orynbasary laýazymyna bıylǵy qańtarda taǵaıyndalǵan edi.

Eske sala ketelik, buǵan deıin Atyraý oblysynda bilim basqarmasynyń eks-sheneýnigi sottalǵanyn habarlaǵan edik.


Joǵary qaraı