Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý mýzeıinde qos mereke qarsańynda ekspozıtsııalyq zaldar ashyldy

2021 jyldyń 1 jeltoqsan 2021 04:23

ATYRAÝ. QazAqparat – Atyraý oblystyq tarıhı-ólketaný mýzeıinde Táýelsizdiktiń 30 jyldyǵy jáne Tuńǵysh Prezıdent kúni qarsańynda «Elbasy jáne Táýelsiz Qazaqstan tarıhy», «Ulyq Ulys – Altyn Orda» ekspozıtsııalyq zaldary ashyldy, dep habarlaıdy QazAqparat.

Saltanatty sharaǵa qatysqan mádenıet jáne qoǵam qaıratkerleri, ǵalymdarǵa ekspozıtsııalyq zaldardaǵy jádirgerler tanystyryldy. Oblys ákimi Mahambet Dosmuhambetov is-sharaǵa qatysýshylardy Tuńǵysh Prezıdent kúnimen quttyqtap, Táýelsizdiktiń 30 jylynda iske asyrylǵan jobalarǵa toqtalady.












«Qasterli Táýelsizdigimizdiń 30 jyldyǵy – qaıta jańǵyrǵan qazaq memlekettiginiń, ata-babalarymyz ańsaǵan azattyqtyń tuǵyry nyǵaıa túskenin áıgileıtin mańyzdy beles. Táýelsiz memleket bolyp álemdegi órkenıetti elder qatarynan kórindi. Elbasy-Tuńǵysh Prezıdent Nursultan Nazarbaevtyń basshylyǵymen memleketimizdiń shekarasy shegendelip, bılik júıesi qalyptasty, ulttyq valıýtamyz aınalymǵa endi, Qarýly Kúshterimiz quryldy, Ata zańymyz qabyldandy, shet eldermen dıplomatııalyq qatynas ornady, elimiz bedeldi halyqaralyq uıymdarǵa múshe boldy. «Qazaqstan – 2030», «Qazaqstan – 2050» strategııalyq baǵdarlamalary qabyldanyp, ozyq damyǵan otyz eldiń qataryna qosylýdy mejeledik», - dedi Mahambet Dosmuhambetov.





Ákimniń aıtýynsha, táýelsiz memlekettiń qurylýy men nyǵaıý tarıhynan syr shertetin materıaldardy toǵystyrǵan, Elbasynyń ómir jolyn baıandaıtyn tarıhı derekter men qaıratkerlik qyryn kórsetetin muraǵat qujattary toptastyrylǵan «Elbasy jáne Táýelsiz Qazaqstan tarıhy» ekspozıtsııa zalynyń orny erekshe. Sondaı-aq Táýelsizdiktiń 30 jyldyǵyn merekeleý aıasynda ashylǵan «Ulyq Ulys – Altyn Orda» zalynyń urpaq tárbıesinde alar orny erekshe bolmaq.





QR Bilim jáne ǵylym mınıstrligi Ǵylym komıteti Memleket tarıhy ınstıtýtynyń dırektory, tarıh ǵylymdarynyń doktory, professor Erkin Ábil ashylǵan zaldyń keler urpaqqa mańyzyn aıtyp berdi.

«Búgingi ashylǵan ekspozıtsııa tarıhı sanany jańǵyrtý jolyndaǵy kezekti qadam dep aıtýǵa bolady. Mýzeı – tarıhı jádigerlerdi saqtaý ǵana emes, óskeleń urpaqqa ata-babamyzdan qalǵan muralar arqyly tálim-tárbıe berýge arnalǵan úlken áleýmettik nysan. Sondyqtan búgingi is-sharanyń mańyzy zor dep bilemin. Óıtkeni, ujymdyq tarıhı jadymyzdy qalyptastyrý arqyly ulttyq sanamyzdy jańǵyrta alamyz», - dedi Erkin Ábil.





Al Qazaqstannyń Qurmetti jýrnalısi, ólketanýshy Tólegen Jańabaıuly, «Saraıshyq memlekettik mýzeı-qoryǵy» mekemesiniń dırektory, tarıh ǵylymdarynyń doktory, professor Ábilseıit Muqtar, H.Dosmuhamedov atyndaǵy Atyraý memlekettik ýnıversıtetiniń oqytýshysy, tarıh ǵylymdarynyń kandıdaty Marat Qasenov óńirdegi tarıhı qalalar men kóne Saraıshyq týraly pikirlerin ortaǵa saldy.

Eske sala ketelik, buǵan deıin mereke qarsańynda Atyraýdyń Jylyoı aýdanynda sport kesheni ashylǵanyn jazǵan edik.






Joǵary qaraı