Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Atyraý-Keńqııaq-Qumkól» munaı qubyrynyń jyldyq qýaty 2 ese ulǵaıady

2022 jyldyń 20 mamyr 2022 16:10

NUR-SULTAN. QazAqparat – «Atyraý-Keńqııaq-Qumkól» munaı qubyrynyń jyldyq qýaty 12 mln tonnaǵa jetkiziledi. Bul jaıynda QR Premer-Mınıstri Álıhan Smaıylovtyń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Kaspıı qubyr konsortsıýmy teńiz termınalynyń zaqymdanǵan sátten bastap Reseı tarapymen jáne jobanyń ózge de qatysýshylarmen birlese otyryp, KQK-nyń ótkizý qabiletin qalpyna keltirý úshin barlyq múmkin is-sharalar qabyldandy. Búlingen jerdi jóndeý kezeńinde balama is-shara retinde munaı eksportyn balama baǵdarlarmen qaıta baǵyttaý qolǵa alyndy. 2022 jyldyń sáýirinde KQK-dan balama baǵdarlar arqyly munaı óńdeý zaýyttaryna qaıtadan baǵyttalǵan munaıdyń jalpy kólemi 561 myń tonnany qurady», - dep atap ótedi Álıhan Smaıylov jaýabynda.

Onyń atap ótýinshe, qubyrdyń zaqymdaný sebebin anyqtaýǵa baǵyttalǵan tergeý aıaqtalǵan soń aldaǵy ýaqytta mundaı oqıǵanyń oryn alýyna jol bermeý sharalary qabyldanady.

Sonymen qatar ol qoldanystaǵy baǵdarlalar arqyly tasymal kólemin arttyrýǵa baǵyttalǵan is-sharalarǵa toqtaldy.

Atap aıtqanda, qoldanystaǵy «Atyraý-Samara» munaı qubyrynyń qýaty 17 mln tonnaǵa jetkiziledi.

Al «Atyraý-Keńqııaq-Qumkól» munaı qubyrynyń qazirgi qýatyn 6 mln tonnadan 12 mln tonnaǵa jetkizip, ónimdi Qytaıǵa eksporttaý múmkinshiligi qarastyrylyp otyr.

Sondaı-aq Aqtaý men Quryq teńiz porttary arqyly Baý portyna deıin munaı tasymaldaý balama nusqasy da pysyqtalyp jatyr.

Munan bólek, taýarlyq munaıdy tasymaldaýǵa arnalǵan temir jol tsısternalarynyń sanyn 1,5 myńnan 3,5 myńǵa deıin jetkizý josparlanǵan.

«Al gaz eksportyn júzege asyrý bóliginde problema joq. Negizgi baǵdar «Qazaqstan-Qytaı» magıstraldy gaz qubyry arqyly Qytaı baǵytynda ketip jatyr», - dedi Úkimet basshysy.


Avtor Marlan Jıembaı
Basty sózder: Qytaı, Ekonomıka, Gaz, Eksport, Munaı,
Joǵary qaraı