Aýa raıy
Astana -7 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý qalasynda Jaıyq jaǵalaýy abattandyrylyp jatyr

2020 jyldyń 24 qyrkúıek 2020 08:55

ATYRAÝ. QazAqparat – Atyraý qalasynda Jaıyq ózeniniń jaǵalaýy abattandyrylyp jatyr, dep habarlaıdy QazAqparat.

Búgin Atyraý oblysynyń ákimi Mahambet Dosmuhambetov qoǵam belsendilerimen, sondaı-aq, jaýapty sala mamandarymen birge Atyraý qalasyndaǵy Jaıyq ózeniniń jaǵalaýyn abattandyrý jumysymen tanysty.

Jaǵalaýdy abattandyrý Atyraý qalasyndaǵy Beıbarys kóshesinde salynǵan kópirden Jastar saıabaǵyna deıingi aralyqty qamtıdy. Qalanyń Eýropa bóligindegi 7,86 gektardaǵy qurylys-montajdaý jumystary júrip jatqan aýmaqtyń jalpy uzyndyǵy 1861 metrdi quraıdy.

Qazir jaǵalaýdyń jańa ýchaskesinde Atyraý qalasynyń kórkem sımvoldary, «Shańyraq» arhıtektýralyq úlgide jasaqtalǵan aýmaq, balalarǵa arnalǵan jáne deneshynyqtyrý, júgirý, demalys alańdary, oryndyqtar men kúrkeler ornalastyrylǵan. Pırs pen jaǵajaı aýmaǵy da abattandyrylady dep kútilýde.








Jaǵalaýdaǵy qurylysy-montaj ben abattandyrýǵa qatysty birqatar syn aıtqan oblys basshysy Mahambet Dosmuhambetov jumystyń sapaly bolýyn eskertip, keıbir olqylyqtardy túzeýdi tapsyrdy. Óıtkeni, atyraýlyqtar men qonaqtardyń serýendeýine qolaısyzdyq bolmaýy tıis.

Al jaǵalaýdy arbasymen aralap shyqqan qoǵam belsendisi Gúlnáz Qosmurzıeva júgirýge, velosıpetpen júrýge jáne jaıaý júrginshilerge arnalǵan joldardyń kóńilinen shyqqanyn aıtady.

Biraq, múmkindigi shekteýli jandar men balalaryn arbamen serýendetetin analarǵa da qolaıly bolýy úshin birneshe usynysyn merdiger kompanııaǵa jetkizdi.

Jaıyq jaǵalaýyn abattandyrý jumystary NKOK kompanııasynyń qarjylandyrýymen júrgizilip jatyr.














Avtor Bek Mustafa
Basty sózder: Atyraý oblysy,
Joǵary qaraı