Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý qalasynda demalys kúnderi jármeńke ótedi

2021 jyldyń 30 shilde 2021 12:35

ATYRAÝ. QazAqparat – «Qyzyl» aımaqtaǵy Atyraý qalasynda demalys kúnderi aýyl sharýashylyǵy taýaryn óndirýshilerdiń jármeńkesi ótedi, dep habarlaıdy QazAqparat.

Bul týraly aqparatty Atyraý qalalyq ákimdigi Facebook-tegi paraqshasynda jarııalady.

«31 shilde jáne 1 tamyz kúnderi saǵat 09:00-den 15:00-ge deıin «Alaman» jáne «Elnas» bazarynda Atyraý qalasynyń taýar óndirýshileri men sharýashylyq qurylymdarynyń qatysýymen jármeńke uıymdastyrylatynyn habarlaıdy. Bas sanıtarlyq dárigeriniń qaýlysyna sáıkes koronovırýs ınfektsııasynyń aldyn alý sharalary boıynsha sizden ózińizdiń densaýlyǵyńyzdy qorǵaý maqsatynda adam arasynda 2 metr qashyqtyqty jáne maskalyq rejım saqtaýyńyzdy suraımyz» -delingen ákimdik taratqan aqparatta.

Sondaı-aq, aqparatta jármeńke ótetin orynǵa qatynaıtyn qoǵamdyq kóliktiń marshrýty kórsetilgen.

Eske sala ketelik, budan buryn Atyraýdaǵy ınfektsııalyq statsıonarda 102 júki áıel jatqanyn habarlaǵan edik.


Avtor Bek Mustafa
Basty sózder: Atyraý oblysy, Azyq-túlik, Qoǵam,
Joǵary qaraı