Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraý qalasynda 23 adamdy saryshaıan shaqqan

2021 jyldyń 19 qazan 2021 13:24

ATYRAÝ. QazAqparat – Atyraý qalasynda saryshaıan shaqqan 23 adam jedel járdem qyzmetine júgingen, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetine súıensek, qazan aıy bastalǵaly beri 103 qyzmetine 23 shaqyrtý túsken.

«Jedel járdemge 1-19 qazan aralyǵynda Atyraý qalasyndaǵy shaǵyn aýdandarda jeke úılerde turatyn turǵyndar shaǵymdanǵan. Saryshaıannan zardap shekkenderge jedel járdem brıgadasy alǵashqy medıtsınalyq kómek kórsetildi. Shaǵymdanýshynyń jaǵdaıyna baılanysty statsıonarlarlyq emdeýge jatqyzý júrgiziledi. Ádette mundaı jándikten zardap shekkender dárigerlerdiń ambýlatorlyq baqylaýynda bolady» - dep habarlady basqarmanyń baspasóz qyzmeti.

Qazir oblystyq balalar aýrýhanasy men oblystyq aýrýhanaǵa saryshaıandar shaqqan naýqastar túspegen.

Eske sala ketelik, budan buryn Atyraýda jeke úılerdiń aýlasyn saryshaıan qaptaǵanyn jazǵan bolatynbyz.


Avtor Bek Mustafa
Basty sózder: Atyraý oblysy, Qoǵam, Oqıǵa,
Joǵary qaraı