Aýa raıy
Astana -17 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Atbasarda zaýyt dırektorynyń orynbasary ashanada týǵan kúnin toılaǵan

2020 jyldyń 26 qarasha 2020 10:00

ATBASAR. QazAqparat - Kólik polıtseıleri Atbasardaǵy zaýyt dırektory orynbasarynyń týǵan kún keshin tarqatty, dep habarlaıdy QazAqparat kóliktegi polıtsııa departamentine silteme jasap.

«Quqyqtyq tártip» jedel-profılaktıkalyq shara barysynda Nur-Sultan stantsııasyndaǵy jelilik polıtsııa basqarmasynyń qyzmetkerleri Atbasar stantsııasy polıtsııa qyzmetkerlerimen birge karantın kezinde uıymdastyrylǵan týǵan kún sharasyn toqtatty. Bul týraly k óliktegi polıtsııa departamenti bastyǵynyń birinshi orynbasary Qalıjan Qoblandın aıtty.

Onyń aıtýynsha, «Qamqor-Lokomotıv» JShS Atbasar elektrovoz jóndeý zaýyty fılıaly aýmaǵynda ornalasqan ashanada bir top adam AEJZ dırektory orynbasarynyń týǵan kúnin atap ótpek bolǵan.

Týǵan kún toılaýǵa 17 adam kelgen, onyń ishinde joǵaryda atalǵan kásiporynnyń basshysy da bolǵan.

Mereke toqtatyldy.

Qazirgi ýaqytta atalǵan fakti boıynsha materıal kóliktegi sanıtarııalyq-epıdemıologııalyq baqylaý departamentine berilgen.

«Sonymen qatar, karantın kezinde týǵan kún uıymdastyrýǵa ruqsat bergen ashana ıeleri de eldiń bas memlekettik sanıtar dárigeriniń talaptaryn eskermegeni úshin, sondaı-aq Aqmola oblysy bas memlekettik sanıtar dárigeriniń 10 qarashadaǵy qaýlysyn buzǵany úshin tıisti jaýapkershilikkke tartylmaq», – dep tolyqtyrdy polıtsııa polkovnıgi.

Esterińizge sala keteıik, jyl basynan beri kólik polıtseıleri elimizdiń áýe jáne temirjol kólik nysandarynda ákimshilik quqyq buzǵan 39 myńnan asa azamatty anyqtaǵan, onyń ishinde 242 azamat karantındi buzǵan.


Joǵary qaraı