Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ataýly áleýmettik kómek alatyndarǵa dári-dármek qobdıshasy tegin beriledi

2021 jyldyń 8 shilde 2021 21:10

NUR-SULTAN. QazAqparat - AÁK alýshylarǵa COVID-19 aýrýynyń aldyn alý maqsatynda dári-dármek qobdıshasy tegin beriledi, dep habarlaıdy QazAqparat.

COVID-19 aýrýynyń aldyn alý aıasynda Qazaqstanda ataýly áleýmettik kómek alatyn otbasylarǵa medıtsınalyq dári -dármek qobdıshalaryn usyný boıynsha aktsııa bastaldy. Barlyǵy 145 myń jıyntyq tegin taratylady.

Jıyntyq quramyn QR Densaýlyq saqtaý mınıstrligi aıqyndady jáne oǵan termometr, maska, dezınfektsııalyq quraldar jáne steroıd emes qabynýǵa qarsy preparattar kiredi.

Alýshylarǵa dári-dármek qobdıshalaryn jetkizýdi qalalyq nemese aýdandyq jumyspen qamtýdy úılestirý jáne áleýmettik baǵdarlamalar bólimderi jáne aýyldyq ákimdikter júzege asyrady.

Bul shara qıyn materıaldyq jaǵdaıdaǵy otbasylardyń ekonomıkalyq aýyrtpalyǵyn azaıtýǵa múmkindik beredi dep josparlanýda.

«Bul halyqtyń eń osal tobyna qoldaý kórsetýge baǵyttalǵan mańyzdy ári qajetti joba. Biz bul dári-dármek qobdıshalary azamattarymyz úshin COVID-19 aýrýynyń aldyn alýda kómek bolady dep úmittenemiz», – dep atap ótti QR Eńbekmıni Áleýmettik kómek saıasatyn damytý departamenti dırektorynyń orynbasary Ǵalııa Jabagına.

AÁK alýshylardy medıtsınalyq jıyntyqpen qamtamasyz etý jónindegi joba Azııa Damý Bankiniń qarjylyq qoldaýymen iske asyryldy, BUU Damý baǵdarlamasynyń keńsesi - satyp alý operatory.

«Álemdegi bir de bir uıym jáne bir de bir el pandemııany jalǵyz ózi jeńe almaıtyny anyq boldy. ADB BUUDB jáne damý jónindegi basqa da seriktestermen tyǵyz yntymaqtasa otyryp, Qazaqstan Úkimetine pandemııaǵa qarsy kúreste qoldaý kórsetýdi jalǵastyrýda. Osy joba aıasynda biz eń osal otbasylardy qoldaımyz, Qazaqstanǵa vırýstyń taralýyn tejeýge jáne pandemııany jeńýge kómektesemiz», – dedi ADB-nyń Qazaqstandaǵy ókildiginiń basshysy Narıman Mannapbekov.

«ADB-men birlesip, ulttyq densaýlyq saqtaý júıesiniń tótenshe jaǵdaılarǵa turaqtylyǵyn nyǵaıtýǵa kómektesemiz. Bul joly biz Densaýlyq saqtaý mınıstrligi men Eńbek jáne halyqty áleýmettik qorǵaý mınıstrligine dári-dármekter men jeke qorǵaný quraldaryn satyp alýǵa qoldaý kórsettik», – dep atap ótti BUUDB Qazaqstandaǵy Turaqty Ókili ıAkýp Berısh.

Osy jobany iske asyrý 2015 jyly BUU Bas Assambleıasy «barlyq azamattar úshin jarqyn jáne neǵurlym turaqty bolashaqqa qol jetkizý jospary» retinde ázirlegen ornyqty damý maqsattaryna sáıkes keledi.


Joǵary qaraı