Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Astyq jınaýdy tsıfrlandyrý jyldyq túsimdi 25 mln tonnaǵa deıin ulǵaıtady - Asqar Mamın

2020 jyldyń 2 jeltoqsan 2020 10:18

NUR-SULTAN. QazAqparat - Astyq jınaý salasyn tsıfrlandyrý jyldyq túsimdi 25 mln tonnaǵa deıin ulǵaıtady. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Nur Otan» partııasynyń saılaýaldy jańa baǵdarlamasyna sáıkes bizdiń aldymyzda agroónerkásiptegi eńbek ónimdiligin 2,5 ese ósirip, ónim eksportyn eki ese ulǵaıtý mindeti tur. Eksporttalatyn ónimniń 70 paıyzy óńdelgen bolýy kerek. Alǵa qoıylǵan mindetterge qol jetkizýdegi basty quraldardyń biri – elimizdiń agroónerkásip keshenin tolyq tsıfrlandyrý. Ol ónim óndirýge jumsalatyn shyǵyndardy azaıtýǵa, onyń sapasy men básekege qabilettiligin arttyrýǵa múmkindik beredi», - dedi Úkimet basshysy.

Premer-Mınıstrdiń aıtýynsha, aýyl sharýashylyǵy maqsatyndaǵy 100 mln gektardan astam jer 5 jyldyń ishinde tsıfrlandyrýdan ótkiziledi. Oǵan memlekettik-jekeshelik áriptestik aıasynda 50 mlrd teńge ınvestıtsııa qajet bolady.

«Qazirdiń ózinde, salany tsıfrlandyrýdyń nátıjesinde tıimdi tájirıbe jınaqtalýda. Muny fermer qojalyqtarynyń basshylary óz sózderinde atap ótti. Ósimdik sharýashylyǵy men mal sharýashylyǵyndaǵy tsıfrlandyrý jınalatyn astyq pen mal sharýashylyǵy ónimin 20 paıyzǵa deıin arttyrýǵa múmkindik beredi. Al fermerlerdiń shyǵyny 15 paıyzǵa qysqarady. Jalpy aldaǵy ýaqytta astyq jınaý salasyn tsıfrlandyrý ónim túsimin jylyna 25 mln tonnaǵa deıin ulǵaıtady», - dedi Asqar Mamın.


Joǵary qaraı