Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astrahanda Dına Nurpeıisovanyń 160 jyldyǵyna arnalǵan kitap tanystyryldy

2021 jyldyń 26 qarasha 2021 12:59

ASTRAHAN. QazAqparat – Reseıdiń Astrahan qalasynda Dına Nurpeıisovanyń 160 jyldyq mereıtoıyna oraı shyǵarylǵan «Túrki áleminiń uly kompozıtory» kitabynyń tusaýkeseri ótti. Bul týraly Qazaqstannyń RF-daǵy Elshiliginen málim etti, dep habarlaıdy QazAqparat.

Qazaqtyń kórnekti kompozıtory, dombyrashy, Qazaq KSR-niń halyq ártisi Dına Nurpeıisovanyń 160 jyldyq mereıtoıyna arnalǵan shara Qurmanǵazy atyndaǵy Astrahan óńirlik mádenıet ortalyǵynda ótti.

Qazaq, orys, túrik, aǵylshyn tilderinde jaryq kórgen kitapta kúıshi ómiri týraly buryn-sońdy jarııalanbaǵan biregeı derekter qamtylǵan.

Іs-sharany Astrahandaǵy QR Bas konsýldyǵy Astrahan oblysynyń halyqaralyq baılanystar agenttigi men mádenıet jáne týrızm mınıstrliginiń qoldaýymen uıymdastyrdy.

Tusaýkeser qonaqtary - ǵalymdar, etnograftar men mýzykanttardan quralǵan Qazaqstan delegatsııasy, jergilikti memlekettik organdar men qazaq dıasporasynyń ókilderi jáne aımaq turǵyndary.




Jıynǵa qatysýshylar Dına Nurpeıisovanyń dombyra mýzykasynyń damýyna jáne ony orkestrge beıimdeýine, sondaı-aq klassıkalyq kúı mektebiniń qalyptasýyna qosqan erekshe úlesin atap ótti. Olardyń aıtýynsha, Astrahan oblysy kórnekti kompozıtordyń ekinshi otany bolyp sanalady. Sebebi, ol munda 15 jyl ómir súrgen jáne 1934 jyly Marfıno aýylyndaǵy ótken kórkemónerpazdar baıqaýynda birinshi oryn aldy, bul kúıshiniń alǵashqy jeńisi bolatyn.

Merekelik sharanyń jalǵasy retinde 26 qarashada Qazaqstan Respýblıkasynyń Eńbek sińirgen ártisi Aıgúl Úlkenbaeva Astrahan mádenıet jáne óner kolledjinde dombyrada sheberlik sabaǵyn ótkizedi.















Joǵary qaraı