«Astanalyq» saýda úıine «jarylǵysh zat» qoıǵan elordalyq ustaldy
NUR-SULTAN. QazAqparat - Elordadaǵy «Astanalyq» saýda úıine jarylǵysh zat qoıylǵany týraly jalǵan aqparat beý kúdigimen jas jigit ustaldy, dep habarlaıdy QazAqparat tilshisi.
Nur-Sultan qalalyq Polıtsııa departamentiniń málimetinshe, búgin saǵat 09.21-de Jedel basqarý ortalyǵynyń 102 pýltine «Astanalyq» saýda úıine (Artem) jarylǵysh zat qoıylǵany týraly qońyraý túsken.
«Tekserý barysynda jarylǵysh zat tabylǵan joq. Polıtsııa jedel izdeý sharalarynyń keshenin júrgizdi. Atalǵan qylmysty jasady degen kúdikpen 21 jastaǵy jas jigit ustaldy. Osy fakti boıynsha QR QK-niń 273-babymen qylmystyq is qozǵaldy», - dedi vedomstvodan.
