Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanalyq kásipker tigin tsehyn ashyp, múgedek jandardy jumyspen qamtyp otyr

2022 jyldyń 22 qańtar 2022 11:14

NUR-SULTAN. QazAqparat – Nur-Sultan qalasynda erekshe tigin tsehy ashyldy. Ereksheligi sol, ondaǵy qyzmetkerler - múgedek jandar. Olar tapsyrys boıynsha kıim-keshek, arnaıy jáne sport kıimin, basqa da kóptegen dúnıelerdi tigedi. Tigin tsehynyń ıesi Aıagóz Shneıder de - erekshe jan. Astanalyq kásipker QazAqparat tilshisine jeke kásip ashý jáne oǵan tek qana múgedek jandardy jumysqa alýynyń mán-jaıyn aıtyp berdi.

«Ózim elordanyń (burynǵy Aqmola) týmasymyn. Negizi saý adam bolyp týyp, biraz jyldar laýazymdy qyzmet atqardym. Sonyń biri - «Meloman» jelisinde eńbek etken kezimde bizge jumysqa erekshe adamdardy ala bastady. Sol jerde jumys istep júrip múgedekterdi jaqynyraq tanyp, bile bastadym. Baıqaǵanym, olar jumysqa óte jaýapty. Araǵa ýaqyt salyp taǵdyrdyń jazýymen men múgedek boldym. Joldasymnan aıryldym, saldarynan ınsýlt alyp, omyrtqama ota jasady. Ómirimniń qıyn kezeńi bastaldy. Ózim múgedekpin, joldasym joq. 6 balam bar, olardy asyraý kerek. Sodan jumys izdeı bastadym. Jalpy men qur qol otyra almaıtyn adammyn. 6 bala bosandym, biraq eshqashan bala kútimi demalysyna shyǵyp kórmeppin», - dedi Aıagóz Shneıder.




Aıaq astynan múgedek bolǵan keıipkerimiz bala-shaǵasyn asyraý úshin jumys izdeıdi. Biraq, túrli kedergilerge tap bolady.

«Jumys izdep barǵan kóp jerde jaǵdaıymdy kórip, sózge kelmesten «keshirińiz» dep shyǵaryp salatyn. Aıtatyny - «ıá, joǵary bilimińiz ben jumys ótilińiz bar, biraq sizdi jumysqa ala almaımyz». Sóıtip júrgende pandemııa bastaldy. Qala ákimdiginiń qoldaýymen «Atameken» UKP «Bıznes bastaý» baǵdarlamasy boıynsha kásipkerlikti meńgerdim. Ózderińiz biletindeı, pandemııa alǵashqy satysynda maska problemasy týyndady. Sodan úıde otyryp, balalarymmen birge maska tigip, sata bastadym. Kúnine 500-600 maska tigip shyǵardyq. Keıin qala ákimimen kezdesip, maǵan turaqty jumys kerektigin aıttym. Ondaǵylar maǵan maska tigedi ekensiz, múmkin tigin tsehyn ashasyz degen ıdeıa tastady. Sóıtip ákimdiktiń qoldaýymen, demeýshiliktiń arqasynda «Jibek» atty tigin tsehymdy ashtym. Qazir tigin tsehy ǵımaratyn jaldap otyrmyn», - deıdi ol.







Sondaı-aq, kásipker shaǵyn bıznesti qolǵa alǵanda jumysqa tek erekshe jandardy alamyn degen maqsat qoıǵan.

Tigin tsehyn ótken jyldyń maýsym aıynda ashqan jáne búginde onda 9 múgedek jan eńbek etip jatyr.

«Jumysqa nege múgedek jandardy alýdy uıǵardym? Birinshiden, olarǵa jumys tabý qıyn. Óz basymnan ótti. Ekinshiden, múgedek jandar óz ortasynda erkin sezinedi. Jumysta ózara aralasyp, qaýqyldasady», - dedi A. Shneıder.







Astanalyq erekshe jandar kıim-keshek, eko-sómke, toı-tomalaq jabdyqtary, taǵy sol sııaqty kóptegen kerekti dúnıelerdi tigedi. Jáne tapsyrys qabyldaıdy.

«Qyzmetimizdi Instagram, Facebook paraqshamyz arqyly jarnama jasaımyz. Tapsyrystar áleýmettik jeli arqyly kelip jatady. Kıim tigemiz, onyń ishinde syrt kıim, áıel kóılekteri, arnaıy jáne sport kıimderi bar. Odan bólek, qyz uzatý jabdyqtaryn da ázirleımiz. Sosyn bizde jumysta seniń mindetiń, meniń mindetim degen túsinik joq. Bárimiz bir úıdiń balasyndaı uıymshyldyqpen áreket etemiz. Bir-birimizge kómektesemiz. Mysaly, shuǵyl tapsyrys tússe basqa isti qoıa turyp, bárimizdi tapsyrysty tez oryndap berýge kirisemiz», - deıdi kásip ıesi.










Odan bólek, Aıagóz Shneıder aldaǵy ýaqytta tigin tigip, óz isin ashýǵa nıetti jandardy oqytyp, úıretkisi keledi.

Atalǵan tigin tsehyndaǵy erekshe jandardyń biri - 60 jastaǵy Ivan Býrets. Ol júrgizýshi. Jáne bos ýaqytynda tseh sharýasyna qol ushyn sozady.

«Bala kúnimnen ІІ toptaǵy múgedekpin. Buǵan deıin biraz jyldar tehnıkalyq quraldardy jóndeý mehanıgi bolyp jumys istedim. Onyń ishinde teledıdar, radıo, telefon jáne taǵy basqa. Ýaqyt óte kele kórý qabiletim syr berip, ol isti toqtatýǵa týra keldi. Tigin tsehyna kútpegen jerden jumysqa ornalastym. Meniń aǵaıyndy baýyrymnyń estý qabileti buzylǵan, soǵan jumys izdep bastaǵanbyz. Nátıjesinde ekeýmiz de osy tsehqa ótken jyldyń qyrkúıeginen bastap jumysqa kirdik. Men júrgizýshimin, jumysshylardy úıinen alyp kelip, qaıta aparamyn. Qalǵan ýaqytta ishki usaq-túıek sharýalarmen aınalysamyn, keıde men de tigemin», - deıdi ol.























Joǵary qaraı