Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanalyq boıjetken mas ákesiniń ústinen shaǵym túsirdi

2021 jyldyń 16 qazan 2021 16:07

NUR-SULTAN. QazAqparat – Astanalyq boıjetken mas ákesine shaǵymdandy. 51 jastaǵy er adam otbasynda janjal shyǵarǵan. Búginde kıkiljiń shyǵarǵan azamat jaýapqa tartyldy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.

«Kúndiz «102» jelisine 51 jastaǵy ákesiniń ústinen shaǵymdanǵan elorda turǵyny habarlasty. Aıtýynsha, ákesi mas kúıinde týystarymen janjaldasyp, ádepsiz sóılep psıhologııalyq qysym kórsetken. Belgili bolǵandaı er adam buǵan deıin ákimshilik jaýapqa tartylǵan. Janjal shyǵarǵan er adamnyń ústinen ákimshilik is qozǵalyp, kináli 7 táýlikke qamaldy», - delingen habarlamada.

Sondaı-aq, Polıtsııa departamentiniń habarlaýynsha, 1 qyrkúıek pen 1 jeltoqsan aralyǵynda elorda aýmaǵynda «Ýchaske» jedel-profılaktıkalyq sharasy ótip jatyr.

Osy ýaqyt aralyǵynda polıtsııa ınspektorlary ózderine bekitilgen ýchaskelerdi aralap, halyqqa túsindirý jumysyn júrgizedi.

Sonymen qatar atalǵan shara barysynda jalǵa beriletin páterler, qarý-jaraq saqtaýshylar, shetel azamattary, turmysy nashar otbasy, bazarlar, kámelet jasyna tolmaǵan jasópirimder men jastar jıi jınalatyn oryndar tekseriledi.

Habarlamada aıtylǵandaı, «Ýchaske» jedel-profılaktıkalyq sharasy bastalǵaly tártip saqshylary 155 myńǵa jýyq páter men 23 myńǵa jýyq jeke turǵyn úıdi aralap shyqty. Odan bólek, turǵylyqty mekenjaı boıynsha 9 myńnan astam ІІO-da esepte turǵan azamattar tekserildi.

Tekserý barysynda 1 myńnan astam qolma-qol jalǵa beriletin páter anyqtalyp, ol týraly derek qalalyq Memlekettik kirister departamentine joldandy.

Jalpy jedel aldyn alý is-sharasy bastalǵannan beri 19 myńnan astam adam ákimshilik jaýapkershilikke tartyldy, onyń ishinde QR ÁQBK - niń 492-baby boıynsha «QR-da tirkeýsiz turý» - 6922, QR ÁQBK-niń 434-baby «usaq buzaqylyq» - 193, QR ÁQBK-niń 440-baby boıynsha «qoǵamdyq orynda masań kúıde bolý» - 2413 adam jáne taǵy basqa.

Ýchaskelik polıtsııa ınspektorlary jergilikti atqarýshy organ ókilderi men jurtshylyqty tarta otyryp, problemalyq máselelerdi zerdeleý jáne sheshý úshin halyqpen kezdesýler ótkizedi.


Avtor Álı Ibraev
Basty sózder: Oqıǵa, Nur-Sultan,
Joǵary qaraı