Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanalyq arhıtektor LRT-nyń ornyna jerústi saıabaq turǵyzýdy usyndy

2022 jyldyń 15 qańtar 2022 17:36

NUR-SULTAN. QazAqparat – Elordalyq arhıtektor, ýrbanıst Aıan Zıkırın qurylysy uzaqqa sozylǵan LRT jelisiniń ornyna, avtorlyq jobasyn usynyp otyr. Osy oraıda maman óz jospary týraly QazAqparat tilshisine aıtyp berdi.

«LRT jelisi boıynda jerústi saıabaq turǵyzýdy usynamyn. Bastaýyn áýejaıdan alatyn jeliniń jańa vokzalǵa deıingi uzyndyǵy 22,4 shaqyrymdy quraıdy. Prezıdent bir sózinde, LRT jelisi baǵytymen júretin jolaýshylardyń aǵyny sonshalyqta kóp bolmaıdy degen edi. Rasynda da jańa vokzal aýmaǵynda kóp adam turmaıdy. Saıabaqtyń qalanyń halyq jıi júretin jáne basty qonaqjaı oryndary bar aýmaqta bolǵany jón. ıAǵnı EKSPO, jańa meshit, Botanıkalyq baq, Prezıdent saıabaǵy, Aqorda taǵy sol sııaqty. Osy atalǵan oryndardy saıabaq jalǵap jatady, al adamdar sol saıabaq arqyly jaıaý júrýge bolady», - dedi Aıan Zıkırın.




Ýrbanıst mamannyń aıtýynsha, elordanyń sol jaǵalaýyna tán problema, jaıaý júrginshiler úshin jaǵdaı jasalmaǵan.

«Sol jaǵalaý negizinen kólik qozǵalysyna arnalǵan. Al jaıaý júrginshiler úshin yńǵaısyzdaý. Al men usynyp otyrǵan jobaǵa saı, sol jaǵalaýdyń basty qonaqjaı oryndaryn saıabaq baılanystyrady. Sol arqyly qaladaǵy birneshe saıabaqty ózara jalǵastyrýǵa bolady. Kezinde elordaǵa Londonnan qala josparyn damytý baǵytynda jumys isteıtin iri kompanııa ókilderi keldi. Olar da qalanyń jasyl aımaǵynyń ózara baılanysqanyn qoldady. LRT jelisi boıynda jerústi saıabaq salý arqyly, jol qozǵalysy problemasyn ǵana emes, sonymen qatar qalany kógaldandyrý máselesi de oń sheshimin tappaq», - deıdi ol.

Sondaı-aq, arhıtektor LRT jelisi boıynda lıft, eskalatordyń bolýy jáne múgedek jandarǵa jaǵdaıdyń jasalýy mańyzdy ekenin tilge tıek etti.




«Shamamen eseptesek, bir qalalyq saıabaqtyń mańaıynda 200 myń adam turady. Solardyń barlyǵy bolmasa da kóbisi saıabaqtyń qyzyǵyn kóredi. Endigi másele, qystygúni ne bolmaq? Qys elordada shamamen 155 kúnge sozylady. Jyldyń qalǵan 200 kúni qar bolmaıdy degen sóz. Sondyqtan saıabaqtyń paıdasyn qystygúni de kórýge bolady. Onyń ishinde qys qalasyn turǵyzýǵa, túrli qysqy sporttyq is-sharalar ótkizýge bolady. ıAǵnı jazda saıabaqta jaıaý jáne velojoldardy damytsa, qysta shańǵyny qolǵa alýǵa bolady. Memleket basshysy buqaralyq sportty damytýdy jıi aıtyp jatady, mine sportty nasıhattaýdyń bir joly osy», - dedi A. Zıkırın.

Odan bólek, astanalyq turǵyn AQSh, Ońtústik Koreıanyń tájirıbesin mysalǵa keltirip, úlgi alýǵa bolatyndyǵyn aıtty.




«LRT qurylysy jobasynyń teńgemen shaqqanda 600 mlrd-ty quraıtynyn bilemiz. Árıne, jol jelisi salynsa, nur ústine nur. Qalanyń kólik qozǵalysyn ońaltýǵa biraz septigin tıgizedi. LRT jelisin turǵyzǵan durys, qoldaımyn. Biraq, qazir emes. Menimshe, qazir elordanyń oń jáne sol jaǵalaýyn ózara baılanystyrý mańyzdy. Jáne meniń oıymsha dál qazir LRT kólik keptelisi máselesin birden sheshe almaıdy. Al onyń ornyna jerústi saıabaq jasaý, áldeqaıda tıimdi ári arzanǵa túsedi», - deıdi arhıtektor.




Eske sala ketsek, Memleket basshysy Qasym-Jomart Toqaev taıaýda ótken Májilis otyrysynda elordadaǵy LRT qurylysy týraly pikir bildirgen edi.

Prezıdent otandyq jáne sheteldik sáýletshiler men ýrbanısterdi shaqyryp, jobany iske asyrýdyń yqtımal nusqalaryn anyqtaýdy usyndy.


Avtor Álı Ibraev
Basty sózder: Nur-Sultan, Qurylys, Ekologııa, Qoǵam,
Joǵary qaraı