Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanalyq 15 jup «Báıterekte» nekelerin qıdy

2022 jyldyń 14 mamyr 2022 16:01

NUR-SULTAN. QazAqparat - 15 mamyr – Halyqaralyq otbasy kúni. Osyǵan oraı, elordada 15 jas jubaı «Báıterek» monýmentiniń bıiginde saltanatty túrde neke týraly kýálikterin aldy, dep habarlaıdy QazAqparat qala ákimdiginiń resmı saıtyna silteme jasap.

«Ómirlerińizdegi basty oqıǵa elordanyń qaq ortasynda – «Báıterek» monýmentinde bolyp otyr. Sizderdi osy aıtýly oqıǵamen shyn júrekten quttyqtaımyn, baqyt pen amandyq tileımin!» – dedi jas jubaılarǵa Esil aýdanynyń ákimi Asylbek Esenbaev.

Ákimdik málimetine sáıkes, qala jastarynyń kóbi osy kúnge oraı ári kóktemniń shýaqty mezgilinde nekelerin zańdastyrýǵa tyrysady. Olardyń arasynda Esil aýdanynyń AHAT-yna neke qııýǵa ótinish bergen oqytýshylar, dárigerler, stýdentter, kásipkerler jáne basqa da kásip ókilderi bar.

Statıstıka boıynsha Qazaqstanda nekeniń eń kóp sany kóktem mezgilinde tirkeletinin Aqparat jáne qoǵamdyq damý vıtse-mınıstri Serik Egizbaev ta atap ótti.




Esil aýdandyq AHAT bóliminiń basshysy Raýshan Zarırova aıtqandaı, ataýly kúnder nekege turǵysy keletin qazaqstandyqtar arasynda árdaıym suranysqa ıe.

«Bul ómirde otbasy sekildi mańyzdy eshnárse joq. Salt-dástúrlerimizdi umytpaýymyz kerek. Qoǵamda jastardyń ajyrasqanyn qalamaımyz. Sondyqtan, otbasy ınstıtýtyn keńinen nasıhattaýǵa tyrysamyz. Qazirgi ýaqytta qalyńdyq pen kúıeý jigittiń ortasha jasy – 28 jas. Jastarǵa mahabbattaryn kúsheıtip, balaly-shaǵaly bolýdy ǵana tileımiz!» – deıdi Raýshan Zarırova.


















Aıta ketsek, Aqmola oblysynda da jas otbasylarǵa neke qııý týraly kýálikter saltanatty túrde tabystaldy.
Basty sózder: Nur-Sultan, Jastar, Otbasy,
Joǵary qaraı