Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanadaǵy 20 jaǵajaıda shomylýǵa tyıym salynady

2021 jyldyń 3 tamyz 2021 14:28

NUR-SULTAN. QazAqparat –Nur-Sultan qalalyq máslıhaty shahar aýmaǵyndaǵy 20 jaǵajaıdy shomylýǵa tyıym salynyn nysan retinde tirkeý týraly máseleni qarastyryp jatyr, dep habarlaıdy QazAqparat tilshisi.

Nur-Sultan qalasy Tótenshe jaǵdaılar departamenti Azamattyq qorǵaý basqarma bastyǵy Rátbek Demeýbergenniń aıtýynsha, bul shekteý sharasy bas sanıtar dárigerdiń qaýlysy talabynan týyndap otyr.

«Aıta ketý kerek, búgingi tańda Nur-Sultan qalasynyń bas memlekettik sanıtar dárigeriniń 30 shildedegi qaýlysy boıynsha qalalyq jaǵajaılardyń, onyń ishinde sanktsııalanbaǵan jaǵajaılardyń jumysyna tyıym salynǵan. Sonymen qatar, qazirgi ýaqytta jalpy sany 20 akvatorııada shomylýǵa tyıym salynǵan oryndardy belgileý týraly máslıhattyń jobasy qaralýda», - deıdi departament ókili.

Atalǵan 20 nysannyń jeteýi – Almaty aýdanynda, tórteýi – Baıqońyr aýdanynda, altaýy – Esil aýdanynda, úsheýi –Saryarqa ornalasqan.

«Stıhııaly jaǵajaılarda kún saıyn halyqtyń qaýipsizdigin baqylaıtyn jedel qutqarý bólimderi jumys isteıdi. Aqbulaq, Trıatlon, Shubar, Gazmashapparatýra, Qarasý, Nura-Esil arnalarynda) júzbe beketter qoıyldy. Azamattardyń sý aıdyndaryndaǵy qaýipsizdigin qamtamasyz etý úshin departament qyzmetkerleri kún saıyn akvatorııanyń asa qaýipti ýchaskelerinde patrýldeý júrgizilip, sýdaǵy qaýipsizdik qaǵıdalaryn saqtaý boıynsha úgit ónimderi taratylady», - dedi Azamattyq qorǵaý basqarmasynyń bastyǵy.


Joǵary qaraı