Astanada jasóspirimder tún ishinde oıyn klýbynda júrgen
NUR-SULTAN. QazAqparat - Elordada tún ishinde oıyn klýbynda júrgen 6 jasóspirim anyqtaldy. Bul týraly Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.
«Nur-Sultan qalalyq PD «Saryarqa« aýdandyq ıývenaldy polıtsııasynyń qyzmetkerleri saǵat 23:36-da Esenberlın kóshesi boıyndaǵy «Djaks« oıyn klýbyn tekserý barysynda 14-17 jastaǵy 6 jasóspirimdi anyqtady. Olardyń ata-analary balalaryn qaraýsyz jibergeni úshin tún ortasynda mán-jaıdy anyqtaý úshin polıtsııa bólimshesine kelýge májbúr boldy», - delingen vedomstvo taratqan aqparatta.
Departament málimetinshe, jasóspirimderdiń zańdy ókilderine qatysty QR Ákimshilik quqyq buzýshylyq týraly kodekstiń 442-baby 1-tarmaǵymen ákimshilik hattama toltyrylyp, aıyppul salyndy. Sondaı-aq aldaǵy ýaqytta mundaı kelesizdikterge jol bermeýge keńes berildi. Al oıyn klýbynyń ákimshisine qatysty qatysty QR Ákimshilik quqyq buzýshylyq týraly kodekstiń 132-babymen ákimshilik is qozǵaldy. Klýb ákimshisine 10 AEK kóleminde aıyppul salynýy múmkin.
Aıta keterligi, jyl basynan beri qaladaǵy oıyn klýbtarynda túngi ýaqytta úlkenderdiń qaraýynsyz júrgen 100-den astam jasóspirim ustalǵan. Olardyń barlyǵy da ákimshilik jaýapkershilikke tartyldy.
