Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astanada turǵyn alaptarynyń taǵy bir bóligi gazǵa qosyldy

2021 jyldyń 26 qarasha 2021 15:19

NUR-SULTAN. QazAqparat – Elordada Agroqalashyq jáne Ońtústik-Shyǵys turǵyn alaptarynyń taǵy bir bólikteri gazǵa qosty. Bul týraly qala ákimdiginiń resmı saıtynda málim etildi, dep habarlaıdy QazAqparat.

Nur-Sultanda Qazaqaýyl, Aqbıdaı shaǵynaýdandarynda, sondaı-aq qalanyń Potanın kóshesiniń eski bóliginde kógildir otyndy bere bastaý jumystary júrip jatyr.

Qazir Nur-Sultanda gazǵa Kóktal-1, Kóktal-2, Temirjolshylar, Promyshlennyı, Agroqalashyq, Ońtústik-Shyǵys eldi mekenderi, sondaı-aq JEO-1 men JEO-2 eki jylý elektr ortalyǵy qosyldy. 650 km kvartalishilik gazben jabdyqtaý jelileri salyndy.
«Osylaısha, qazir elordanyń 11 myń úıi gazǵa qosylýǵa qol jetkize alady. Gazben jabdyqtaýdyń ishki jelilerin daıyndaǵan tutynýshylar «QazTransGaz Aımaq» AQ-ǵa ótinimmen júginýi qajet.

Jyl sońyna deıin Kúıgenjar, Mıchýrıno, Internatsıonalnyı eldi mekenderi gazben qamtamasyz etiledi», - dedi ákimdikten.

Esterińizge sala keteıik, gazdandyrý – Elbasynyń aýqymdy jobasy, ol qala turǵyndarynyń ómir súrý sapasyn arttyryp, qala ekologııasyn aıtarlyqtaı jaqsartýǵa múmkindik beredi. Qalany gazdandyrý máselesi Memleket basshysynyń baqylaýynda.


Joǵary qaraı