Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanada sońǵy qońyraýdan keıin bir top oqýshy úı jaldap, mektep bitirgenin atap ótken

2022 jyldyń 27 mamyr 2022 11:40

NUR-SULTAN. QazAqparat - Nur-Sultanda sońǵy qońyraýdy atap ótken 96 kámeletke tolmaǵan jasóspirim polıtsııaǵa jetkizildi, dep habarlaıdy QazAqparat.

Eki kún buryn elorda aýmaǵynda sońǵy qońyraý is-sharasy ótti.

Kámeletke tolmaǵandar arasyndaǵy quqyq buzýshylyqtyń aldyn alý, olardyń zańdy ókilinsiz túngi ýaqytta oıyn-saýyq mekemelerinde jáne úıden tys jerlerde júrýine jol bermeý maqsatynda jergilikti reıd júrdi.

Tártip saqshylary aýlalardy, saıabaqtardy, skverlerdi jáne basqa da jastar shoǵyrlanǵan jerlerdi tekserdi.

Tekserý barysynda saǵat 00.56 shamasynda Saryarqa aýdanynyń ıývenaldy polıtsııa qyzmetkerleri Babataıuly kóshesindegi jeke turǵyn úıdi anyqtady.

Onda shamamen 10 adam bolǵan, onyń ishinde jeteýi kámeletke tolmaǵan mektep bitirýshi túlek ekeni belgili boldy.

Mán-jaıdy anyqtaý úshin búkil kóńil kóterýshiler polıtsııa basqarmasyna jetkizildi.

Olar - 16-17 jas aralyǵyndaǵy jasóspirimder bolyp shyqty.

Jastar úıdi bir táýlikke jalǵa alyp, mektep bitirgenin atap ótken.

Polıtsııa basqarmasyna kámeletke tolmaǵandardyń zańdy ókilderi de shaqyryldy.

Olarmen profılaktıkalyq áńgime júrgizildi.

Balalardyń túngi ýaqytta jalǵyz júrýine jol bergeni úshin olar ákimshilik jaýapkershilikke tartyldy.

Nur-Sultan qalasynyń polıtsııa departamenti ata-analarǵa bala tárbıesi boıynsha óz mindetterin oryndamaǵany úshin jaýapkershilik qarastyrylǵanyn eskertedi.

Aıta keteıik, kámelet jasyna tolmaǵandarǵa túngi ýaqytta oıyn-saýyq mekemelerinde saǵat 22:00-den saǵat 6:00-ge deıin, al zańdy ókilinsiz úıden tys jerde saǵat 23:00-den saǵat 6:00-ge deıin bolýǵa tyıym salynǵan.


Joǵary qaraı