Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Astanada ońaltý ortalyqtarynyń sany artady

2021 jyldyń 26 aqpan 2021 14:33

NUR-SULTAN. QazAqparat – Elordada osy kóktemde kórý qabileti nashar balalarǵa arnalǵan mamandandyrylǵan balabaqsha ashylady. 90 orynǵa eseptelgen mekeme Saryarqa aýdanynda ornalasqan (Kenesary kóshesi, 9/1), dep habarlaıdy QazAqparat.


Qala ákimi Altaı Kólginovtiń jazýynsha, sonymen birge bıyl erekshe qajettiligi bar azamattar úshin birqatar ońaltý ortalyǵy iske qosylady.

«Múmkindigi shekteýli turǵyndardy ońaltý úshin júıeli negizde jaǵdaı jasaý mańyzdy. Máselen, ótken jyly ǵana balalardyń tserebraldy sal aýrýy (BTsSA), aýtızm, Daýn sındromy jáne taǵy basqa dıagnozy bar balalardy ońaltýmen aınalysatyn birqatar iri ońaltý ortalyǵy ashyldy. Máselen, «Asyl Mıras« aýtızm ortalyǵy (Ýálıhanov kóshesi) arqyly aýtıstik spektrdi 50% kóbirek qamtydyq. Bul joba Bolat Ótemuratov qorymen birlese júzege asyryldy. Sol úıde ornalasqan taǵy bir ońaltý ortalyǵy BTsSA, aýtızm dıagnozy jáne basqa da birqatar aýrýlary bar balalarmen aınalysady», - dedi elorda basshysy.





Sondaı-aq málim etilgendeı, №1 qalalyq balalar aýrýhanasy bazasynda Tuńǵysh Prezıdent Qory men «Samuryq-Qazyna» qoldaýymen ótken jyldyń kúzinde «Qamqorlyq» ońaltý ortalyǵy ashyldy. Bul BTsSA dıagnozy bar 600-ge jýyq balany jyl saıyn qosymsha tegin medıtsınalyq kómekpen qamtýǵa múmkindik bergen.

«Qala aýdandarynda «úı janyndaǵy dáriger« atty 29 nysan ashyldy. Ippodrom bazasynda balalar ıppoterapııamen aınalysa alatyn jabyq manejdiń qurylysyn júrgizip jatyrmyz. «Jastar« saraıynda erekshe qajettiligi bar adamdar úshin qoljetimdi basseın bolady. Invataksı sany 2 esege artady.





Jańa úılerdiń birinshi qabattarynda «qadamdyq qoljetimdilik« qaǵıdatyna saı balalarǵa arnalǵan shaǵyn ortalyqtar, ońaltý ortalyqtary, balabaqshalar, úıdiń janyndaǵy dáriger jáne ózge de nysandardy ashamyz.
Ulttyq qoǵamdyq senim keńesiniń V otyrysynda Prezıdent erekshe qajettiligi bar balalardyń sany ósip kele jatqanyn, olarǵa jan-jaqty keshendi ońaltý qajet ekenin, «alǵashqy medıtsınalyq-sanıtarlyq kómek uıymdary janyndaǵy áleýmettik qyzmetterdiń jumysyn kúsheıtý qajet« ekenin atap ótti.
Erekshe qajettiligi bar azamattardy ońaltý úshin jaǵdaı jasaý boıynsha jumysty júıeli negizde jalǵastyramyz», - dep jazdy Altaı Kólginov Instagram-da.

















Joǵary qaraı