Aýa raıy
Astana 17 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Astanada qaıta óńdeletin qaldyqtar úshin jańa konteınerler ornatylýda

2020 jyldyń 30 maýsym 2020 16:12

NUR-SULTAN. QazAqparat – Elordada plastık, qaǵaz jáne shyny qaldyqtaryn jınaýǵa arnalǵan torly konteınerler ornatylyp jatyr, dep habarlaıdy QazAqparat.

Qala ákimdiginen málim etkendeı, qazirgi ýaqytta osyndaı on boks qoıylǵan.

«Jańa konteınerler aýla alańdaryna ornatyldy. Olar qaıta óńdeýge jaraıtyn plastık, shyny, qaǵaz sııaqty qaldyqtardy jınaýǵa arnalǵan. Olar janbaıtyn metalldan jasaldy. Kishigirim qoqysty tastaýǵa bolatyn arnaıy qaqpaǵy bar. Tordyń ishindegi qaldyqtardy kórýge bolady. Al syrtynda plastık, qaǵaz, shyny men metall tastaýǵa arnalǵany jazylǵan», – dedi Qorshaǵan ortany qorǵaý jáne tabıǵatty paıdalaný basqarmasynyń bólim basshysy Almaz Rysalıev.




Bul - pılottyq joba. Atap ótilgendeı, qazirgi sary tústi konteınerlerdi órteý jaǵdaılary jıi bolady. Sondaı-aq qoqys suryptamaı tastalady. Osy rette órtke tózimdi torly konteınerlerge kóshý sheshimi qabyldanǵan.




Qazir elorda aýmaǵynda 6 myńnan astam sary konteıner bar.

«Eske sala keteıik, astanada qatty turmystyq qaldyqty suryptap jınaýdy uıymdastyrý jobasy 2018 jyldyń maýsym aıynda bastaldy. Sary konteınerler qurǵaq qaldyqty, ıaǵnı metall, plastık, qaǵaz ben shynyny salýǵa kózdelgen. Al jasyl tústi jáne tsınktelgen konteınerlerge tamaq jáne organıkalyq qaldyqtardy laqtyrý qajet», - dedi ákimdikten.





Basty sózder: Ekologııa, Ákimdik, Nur-Sultan,
Joǵary qaraı