Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanada «Báıterek» monýmenti jáne «Hanshatyr» SOO ǵımarattary qyzyl túske boıaldy

2022 jyldyń 14 mamyr 2022 23:39

NUR-SULTAN. QazAqparat – Búgin keshke elordadaǵy «Hanshatyr» saýda, oıyn-saýyq ortalyǵy men «Báıterek» monýmenti ǵımarattarynyń syrty qyzyl túske boıalyp jandy, dep habarlaıdy QazAqparat.

Jyl saıyn mamyr aıynyń úshinshi jeksenbisi – Dúnıejúzilik juqtyrylǵan ımmýn tapshylyǵynyń sınodromynan (JITS) qaıtys bolǵandardy eske alý kúni.

Osy dataǵa oraı Nur-Sultan qalasy ákimdiginiń «JITS-tyń aldyn alý jáne oǵan qarsy kúres ortalyǵy» 11-20 mamyr aralyǵynda qoǵam nazaryn qaýipti indetke aýdarýǵa baǵyttalǵan kóptegen is-shara uıymdastyrady. Solardyń biri búgin ótti. Túngi ýaqytta «Hanshatyr» saýda, oıyn-saýyq ortalyǵy men «Báıterek» monýmenti ǵımarattary qyzyl túske boıalyp jandy. Qyzyl tús – Adam ımmýn tapshylyǵynyń vırýsymen (AITV) kúresý sımvoly – qyzyl lentany aıshyqtaıdy.








14-16 mamyr kúnderi «Qazaqstan temir joly» UK» AQ ǵımaratynyń syrtynda JITS qurbandaryn eske alý kúnine arnalǵan vıdeorolıkter úzdiksiz kórsetiledi.

Qazirgi tańda Nur-Sultan qalasynda AITV dıagnozymen 1643 naýqas dıspanserlik esepte turady. 20 jylda 82 adam kóz jumdy. Ólim-jitimniń azaıýyna antıretrovırýstyq terapııa septigin tıgizýde. Sondaı-aq emdelýge qoljetimdilikti qamtamasyz etý sońǵy 10 jylda JITS-ten álemdegi ólim-jitimdi 47% azaıtty.






«Atalmysh dert ótken ǵasyrlarda ólimge ákeletin syrqat bolyp sanalatyn edi. Qazirgi tańda AITV juqpasy sozylmaly aýrý retinde qaralady. Bul patsıenttiń ómirin jyldarǵa jáne ondaǵan jyldarǵa sozyp, janama áseri az bolatyn tájirıbege antıretrovırýsty terapııany, emdeýdiń jańa dárilik zattaryn engizýmen baılanysty bolyp otyr. ıAǵnı qazir AITV juqpasyn juqtyrǵan adam ýaqytyly em-domyn úzbeı qabyldap, dárigerdiń aıtqandaryn oryndaǵan jaǵdaıda bıologııalyq qarttyq jasyna deıin ómir súre alady», - dedi baspasóz máslıhatynda «JITS-tyń aldyn alý jáne oǵan qarsy kúres ortalyǵy» MKQK dırektory Sabıt Abdraımov.

Dúnıejúzilik JITS qurbandaryn eske alý kúni alǵash ret 1983 jyly jarııalanǵan. Búginde bul dataǵa oraı 115 elde túrli sharalar qolǵa alynady.


Basty sózder: Nur-Sultan, Densaýlyq, Qoǵam,
Joǵary qaraı