Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Astanada bala kútýshi ury bolyp shyqty

2020 jyldyń 21 qyrkúıek 2020 21:10

NUR-SULTAN. QazAqparat - Elordada bala kútýshi bolyp jumys istegen qyz úı ıesiniń qundy zattaryn urlady degen kúdikke ilindi, dep habarlaıdy QazAqparat tilshisi.

«Qala turǵyny polıtsııaǵa aryzdanyp, páterinen altyn buıymdarynyń, qarakúzen ishigi men aqsha qarajatynyń urlanǵany týraly aryzdandy. Áıeldiń aıtýynsha, qundy zattarynyń joǵalýyna otbasynda jumys isteıtin 21 jastaǵy qyzǵa kúdik bar. Kúdikti otbasynda osy jyldyń qańtarynan bala kútýshisi bolyp jumys istegen. Bala kútýshisi altyn buıymdardy, qarakúzen ishigin jáne 600 dollardy shilde aıynyń sońynda urlaǵany, alaıda úı qojaıyndary zattardyń joǵalǵanyn taıaýda ǵana anyqtaǵany belgili boldy», - delingen Nur-Sultan qalalyq Polıtsııa departamenti taratqan aqparatta.

Vedomstvo málimetinshe, osy ýaqytqa deıin kúdikti atalǵan otbasyda bala kútýshisi retinde jumys istep kelgen. Urlanǵan zattardy qaladaǵy lombardtardyń birine ótkizip, túsken qarajatty óz qajetine jaratqan.

«Qazirgi ýaqytta urlyq faktisi boıynsha QR Qylmystyq kodesiniń 188-baby boıynsha sotqa deıingi tergeý amaldary júrgizilip jatyr. Kúdikti urlyq jasaǵanyn moıyndap otyr», - dep atap ótedi departamentten.


Avtor Marlan Jıembaı
Basty sózder: Qylmyspen kúres, Nur-Sultan,
Joǵary qaraı