Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanada avtobýs jolaqtaryn paıdalaný boıynsha onlaın daýys berý aıaqtaldy

2022 jyldyń 28 mamyr 2022 16:07

NUR-SULTAN. QazAqparat - Elordada Bus Lane jolaǵyn qarbalas ýaqyttan tys kezinde paıdalaný boıynsha onlaın daýys berý ótti, dep habarlaıdy QazAqparat.

Qala ákimdiginen málim etkendeı, saýalnamaǵa qatysqandardyń basym kópshiligi qoǵamdyq kólikpen júredi.

Respondentterdiń 67% astamy qoǵamdyq kólik pen taksı úshin jeke jolaqtardyń bolǵanyn tolyq qoldaıdy. Sondaı-aq daýys berýshilerdiń 14% bul máselege oń qaraıdy.

Eske salsaq, pılottyq joba aıasynda Abylaı han dańǵylynda A.Pýshkın kóshesinen Manas kóshesine deıingi ýchaskede avtobýs jolaǵy engizilgen bolatyn. ıAǵnı avtomobılderge avtobýs jolaǵymen qarbalas ýaqyttarda júrýge tyıym salynady: tańǵy saǵat 07.30 – 9.30 aralyǵynda jáne keshki saǵat 17.00 – 20.00 aralyǵynda.

Daýys berýden ótkenderdiń 61% bul jańalyq týraly biledi.

Respondentterdiń 33% jýyǵy Abylaı han dańǵylymen kún saıyn, 18% aptasyna birneshe ret, taǵy 40% aıyna eki ret júredi.

Saýalnamaǵa qatysqandardyń 60% qarbalas emes ýaqyttarda avtobýs jolaqtarymen ózge kólikterdiń júrýine ruqsat berýdiń qajeti joq dep sanaıdy. Azamattardyń 70% buǵan ruqsat etilgen jaǵdaıda jedel járdem jáne órt sóndirý kólikteriniń, avarııalyq qyzmetterdiń shaqyrtý ornyna jetýi qıyndaıdy dep esepteıdi. Budan bólek, respondentterdiń 62% avtobýsty kútý ýaqyty da uzaratynyn aıtyp otyr.

Aıta keteıik, Nur-Sultanda qarbalas emes ýaqyttarda jáne demalys kúnderi avtobýstarǵa bólingen jolaqtarmen ózge avtokólikterge júrýge ruqsat berý máselesi pysyqtalyp jatyr. Qala ákimdigi avtobýs jolaqtarynyń sanyn josparly túrde kóbeıtip keledi. Búgingi tańda Bus Lane sany qalanyń 26 kóshesinde (73,6 km) bar.


Basty sózder: Ákimdik, Nur-Sultan, Jol, Kólik,
Joǵary qaraı