Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Astanada 9 mamyrda beriletin birjolǵy járdemaqyny 111 myń teńgege deıin kóterý usynyldy

2022 jyldyń 18 mamyr 2022 16:56

NUR-SULTAN. QazAqparat – Nur-Sultan qalasy boıynsha 9 mamyr kúnine oraı beriletin bir rettik áleýmettik tólemdi 1 shildeden bastap 20 aılyq eseptik kórsetkishten 35 AEK-ke deıin kóbeıtý usynyldy, dep habarlaıdy QazAqparat tilshisi.

Bul týraly qalalyq máslıhattyń áleýmettik-mádenı damý jáne bıýdjet jónindegi turaqty komıssııalarynyń otyrysynda aıtyldy.

«Áleýmettik qoldaý sharalaryn kúsheıtý maqsatynda 9 mamyrǵa qaraı basqa memleketter aýmaǵyndaǵy urys qımyldarynyń ardagerlerine beriletin birjolǵy materıaldyq kómekti 20-dan 35 AEK-ke deıin ulǵaıtý usynylady. Bul sharanyń Aýǵanstandaǵy áskerı is-qımyldarǵa qatysýshylarǵa qatysy joq. Óıtkeni olarǵa beriletin tólemdi buǵan deıin kóbeıtken bolatynbyz. Bul norma tájik-aýǵan shekarasynda boryshyn atqarǵan Qazaqstan Respýblıkasynyń áskerı qyzmetshilerine, Irak pen Taýly Qarabaqtaǵy bitimgershilik mıssııasyna qatysqan áskerı qyzmetshilerge de qatysty bolady. Osy qoldaýdy ulǵaıtýǵa barlyǵy 86 mln 800 myń teńge kóleminde bıýdjet shyǵyny josparlanyp otyr», – deıdi Nur-Sultan qalasynyń jumyspen qamtý jáne áleýmettik qorǵaý basqarmasynyń basshysy Ilıa Skýb.

Sondaı-aq, ol jalǵyz baspanasynan aıyrylǵan azamattardy qoldaý sharalaryn 400 AEK-ke, ıaǵnı, 1 mln 275 myń teńgege deıin, otbasy músheleri qaıtys bolǵan jaǵdaıda 140 AEK-ke nemese 477 myń teńgege deıin ulǵaıtý usynylatynyn habarlady.

Ilıa Skýbtyń aıtýynsha, atalǵan sharalardyń bárin iske asyrý úshin elorda bıýdjetine qosymsha 99,3 mln teńge kerek.

Aıta keteıik, Almatyda ardagerlerge beriletin birjolǵy járdemaqy eki ese ulǵaıǵan bolatyn.


Joǵary qaraı