Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Astana» veloshabandozy «Veneto Klassık» jarysynyń jeńimpazy boldy

2021 jyldyń 17 qazan 2021 22:15

ALMATY. QazAqparat – «Astana» velokomandasynyń 22 jastaǵy múshesi Samýele Battıstella «Veneto Klassık» birkúndik jarysynyń jeńimpazy atandy, dep habarlaıdy QazAqparat tilshisi.

«Astana» komandasynyń ıtalııalyq múshesin izin ala fınıshke «UAE-Team Emirates» komandasynyń veloshabandozy, shveıtsarııalyq Mark Hırshı jetti. Úshinshi orynda «Androni Giocattoli - Sidermec» komandasynan kolýmbııalyq Djonatan Restrepo bolsa, tórtinshi bolyp «Astanadan» Alekseı Lýtsenko keldi.

Qazaqstandyq komandanyń quramynda atalǵan eki sportshydan bólek, Manýele Boaro (Italııa), Fabıo Fellıne (Italııa), Rodrıgo Kontreras (Kolýmbııa) jáne Davıde Martınellı (Italııa) boldy.

«Astana» komandasy 2021 jylǵy maýsymdy «Veneto Klassık» birkúndik ıtalııalyq jarysymen aıaqtaıtyny buǵan deıin habarlanǵan bolatyn. Jarystyń jalpy uzaqtyǵy – 206,5 shaqyrym.

Buǵan deıin «Astana» velokomandasynyń ataýy ózgergenin jazǵan edik. Komanda 2022 jylǵy maýsymda Astana Qazaqstan Team ataýymen óner kórsetedi.

Perevod Mıra Tólendiqyzy
Basty sózder: Qoǵam, Sport,
Joǵary qaraı