Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Astana» velokomandasy qazaqstandyq jas sportshymen kelisimshartqa qol qoıdy

2021 jyldyń 19 qazan 2021 15:48

ALMATY. QazAqparat - Qazaqstannyń 23 jasqa deıingi veloshabandozdar arasyndaǵy toptyq jarysynyń qazirgi chempıony Nurbergen Nurlyhasym 2022 jyldan bastap Astana Qazaqstan Team komandasynda óner kórsetedi, dep habarlaıdy QazAqparat tilshisi.

Klýbtyń baspasóz qyzmetiniń málimetinshe, qos tarap eki maýsymǵa jaramdy kelisimshartqa otyrǵan.

Aıta keteıik, bul - Nurbergenniń alǵashqy kásibı kelisimsharty.

21 jastaǵy Nurbergen Nurlyhasym bedeldi eýropalyq jarystarda jasóspirimder men jastar deńgeıinde óner kórsetýde laıyqty tájirıbe jınap úlgerdi.

Máselen, Nurlyhasym jasóspirimder jáne jastar (23 jasqa deıin) arasyndaǵy álem chempıonatynda, «Djıro d’Italııa» jáne «Týr del’Avenır» dodalarynyń jastar arasyndaǵy saıysynda synǵa túsken.

Osy maýsymda Nurbergen Qazaqstan chempıonatynyń toptyq jarysynda senimdi jeńiske jetti.

Sondaı-aq shabandoz jasóspirimder arasyndaǵy ulttyq chempıonatta joǵarǵy oryndarǵa ıe bolǵan.

«Baltık-Karkonoshe týry» (2019) kezeńinde 4-shi oryn, «Týr de DMZ» (2017) jalpy esebinde toǵyzynshy orynǵa turaqtaǵan.

Buǵan deıin ıtalııalyq veloshabandoz Djannı Moskon «Astana» komandasynyń quramynda óner kórsetetinin jazǵan bolatynbyz.

27 jastaǵy sportshy aldaǵy eki maýsymda (2022 jáne 2023) Qazaqstan komandasynda jarysqa qatysady.


Avtor Alma Muqanova
Basty sózder: Sport, Almaty, Jastar,
Joǵary qaraı