Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Open: Dmıtrıı Popko negizgi týrnırge joldama aldy

2021 jyldyń 20 qyrkúıek 2021 14:33

NUR-SULTAN. QazAqparat – Qazaqstandyq, álemniń 188-raketkasy Dmıtrıı Popko Astana Open ATP 250 týrnıriniń negizgi kezeńine ótti, dep habarlaıdy QazAqparat tilshisi.

Qazaqstandyq tennısshi irikteý saıystarynyń fınalynda dúnıejúzilik reıtıngte 243-orynda turǵan tájirıbeli aýstralııalyq, 33 jastaǵy Mettıý Ebdenmen kúsh synasty.

Birinshi partııada aýstralııalyq tennısshi basymdylyq kórsetti – 6:3.

Ekinshi jáne úshinshi sette D.Popko óz sheberligin tanyta bildi – 6:3, 6:4.

2 saǵat 4 mınýtqa sozylǵan tartysty báseke barysynda qazaqstandyq sportshy 5 eıs jasap, 15 breık-poınttyń úsheýin ǵana paıdalandy. Qarsylasy 3 eıs, 2 breıkten asa almady.

Osylaısha D.Popko Astana Open ATP 250 jarysynda óner kórsetetin qazaqstandyqtar Aleksandr Býblık, Mıhaıl Kýkýshkın jáne Tımofeı Skatovtyń qataryna qosyldy. Sondaı-aq negizgi kezeńge ótýden Denıs Evseev te úmitti. Ol úshin búgin irikteý saıystarynyń fınalynda aýstralııalyq Mark Polmansty utýy kerek.

T.Skatov búgin taǵy bir tisqaqqan oıynshy, ıtalııalyq Andeas Seppımen kortqa shyǵady.

Eske sala keteıik, budan buryn Astana Open ATP 250 týrnırinde qazaqstandyqtardyń qarsylastary anyqtalǵanyn, Dmıtrıı Popkonyń irikteý saıystarynyń fınalyna shyqqanyn jazǵan bolatynbyz.





Avtor Eljan Eraly
Basty sózder: Sport,
Joǵary qaraı