Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana Open: Dmıtrıı Popko irikteý saıysynyń fınalyna shyqty

2021 jyldyń 19 qyrkúıek 2021 14:56

NUR-SULTAN. QazAqparat - Dmıtrıı Popko Astana Open ATP 250 týrnıriniń irikteý saıysyn sátti bastady, dep habarlaıdy QazAqparat tilshisi.

Qazaqstan tennıs federatsııasy málim etkendeı, Ulttyq tennıs ortalyǵynda alǵashqy irikteý saıystary bastaldy.

Álemniń 195-raketkasy D.Popko bastapqy kezdesýin dúnıejúzilik reıtıngte 846-orynda turǵan bolgarııalyq Sımon Ivanovpen ótkizdi.

Qazaqstandyq tennısshi 59 mınýtqa sozylǵan kezdesýde 6:2, 6:3 esebimen jeńiske jetti.

D.Popko 7 eıs jasap, bes breık-poıntty túgel paıdalana bildi. Qarsylasy 1 eıs, 1 breıkpen shekteldi.

D.Popko irikteý saıystarynyń fınalynda aýstrııalyq ıÝrıı Rodıonov nemese aýstralııalyq Mettıý Ebdenniń bireýimen kezdesedi. Ony jeńse, negizgi jarysqa joldama alady.

Eske sala keteıik, budan buryn Astana Open ATP týrnırinde qazaqstandyqtardyń qarsylastary anyqtalǵanyn, ıÝlııa Pýtıntsevanyń Slovenııadaǵy jarystyń fınalyna shyǵa almaǵanyn jazǵan bolatynbyz.


Avtor Eljan Eraly
Basty sózder: Sport, Nur-Sultan,
Joǵary qaraı