Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana kúni qarsańynda áleýmettik jelide jastar aktsııasy bastaldy

2021 jyldyń 3 shilde 2021 16:22

NUR-SULTAN. QazAqparat – Astana kúnin merekeleý aıasynda #MenińElordam jáne #ElbasyJáneMen Jastar aktsııalary bastaldy, dep habarlaıdy QazAqparat.

Búgin «Jas ulan», Nur Otan partııasy janyndaǵy Jas Otan Jastar qanatynyń jáne Qazaqstan halqy Assambleıasy janyndaǵy «Jarasym» respýblıkalyq jastar uıymdarynyń bastamasymen Qazaqstan Táýelsizdiginiń 30 jyldyǵy aıasynda áleýmettik jelide Elorda kúnin merekeleýge arnalǵan #MenińElordam jáne #ElbasyJáneMen biryńǵaı heshtegtermen jastar aktsııalary men chelendjder bastaldy.

«Qazaqstannyń barlyq óńirleriniń jastary Elbasyny quttyqtaýy jáne fotosýretterin jarııalaýda. Atalǵan aktsııalar qoǵamda Qazaqstan Respýblıkasynyń Tuńǵysh Prezıdenti – Elbasy N.Á. Nazarbaevtyń qazaqstandyq memlekettilikti qurýdaǵy aýqymdy tarıhı rólin nyǵaıtýǵa, jastardyń boıynda patrıotızm sezimin jáne óz elordasy men eli úshin maqtanysh sezimin odan ári damytýǵa, elordanyń rýhanı, ekonomıkalyq jáne áleýmettik áleýetin kórsetýge baǵyttalǵan», delingen habarlamada.

Aktsııa Instagram jáne Facebook áleýmettik jelilerinde onlaın formatta ótkiziledi.

Ony óńirlik jastar uıymdarynyń kóshbasshylary men ókilderi, sondaı-aq elimizdiń barlyq óńirleriniń jastar belsendileri, stýdent jastar qoldady.


Joǵary qaraı