Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Astana formatynda Sırııa jónindegi joǵary deńgeıde kezdesý ótedi

2021 jyldyń 7 jeltoqsan 2021 16:30

NUR-SULTAN QazAqparat – 21-22 jeltoqsan kúnderi elordada Astana formatyndaǵy Sırııa jóninde joǵary deńgeıdegi kezdesý ótedi, dep habarlaıdy QazAqparat tilshisi.

«Kezdesý 21-22 jeltoqsan kúnderi oflaın formatynda ótedi. Oǵan barlyq tarap qatysatyndyǵyn rastady», - dedi QR Syrtqy ister mınıstrliginiń resmı ókili Aıbek Smadııarov.

Onyń atap ótýinshe, júzbe-júz kezdesýge kepilger elder – Reseı, Túrkııa jáne Iran, sonymen qatar baıqaýshylar qatysatyn bolady.

Aıta keteıik, Astana formatyndaǵy Sırııa boıynsha 16-shi halyqaralyq kezdesý osy jylyń 8 shildesinde ótken bolatyn. Kezdesý qorytyndysynda Astana formatyndaǵy kelissózdiń kepilger elderi Iran Islam Respýblıkasy, Reseı Federatsııasy jáne Túrkııa Respýblıkasynyń birlesken málimdemesi qabyldanǵan edi.

Onda: «Iordanııa, Irak jáne Lıvan delegatsııalarynyń, Birikken Ulttar Uıymy men Halyqaralyq qyzyl krest uıymy ókilderiniń Astana formatyndaǵy baıqaýshylar retinde qatysýyn rızashylyqpen atap óttik. Qazaqstan bıligine Nur-Sultan qalasynda Astana formatyndaǵy Sırııa boıynsha 16-shy halyqaralyq kezdesýdi ótkizgeni úshin shynaıy alǵysymyzdy bildirdik», - delingen.


Joǵary qaraı